Prannoy's win | സിംഗപൂര്‍ ഓപണ്‍: ലോക 4-ാം നമ്പര്‍ താരത്തെ തകര്‍ത്ത് മലയാളി താരം എച് എസ് പ്രണോയുടെ ഉജ്വല പ്രകടനം; വീഡിയോ കാണാം

സിംഗപൂര്‍: (www.kasargodvartha.com) ഇന്‍ഡ്യന്‍ ബാഡ്മിന്റണ്‍ താരവും മലയാളിയുമായ എച് എസ് പ്രണോയ് വ്യാഴാഴ്ച നടന്ന സിംഗപൂര്‍ ഓപണിന്റെ രണ്ടാം റൗന്‍ഡ് മത്സരത്തില്‍ തകര്‍പ്പന്‍ ജയത്തോടെ തന്റെ അപാര ഫോം ഒരിക്കല്‍ കൂടി പ്രകടിപ്പിച്ചു. ലോക റാങ്കിങ്ങില്‍ 19-ാം സ്ഥാനത്തുള്ള പ്രണോയ്, ലോക നാലാം നമ്പറും മൂന്നാം സീഡുമായ ചൈനീസ് തായ്പേയിയുടെ ചൗ ടിയാന്‍ ചെനിനെതിരെ മൂന്നാഴ്ചയ്ക്കിടെ രണ്ടാം ജയമാണ് നേടിയത്.
     
ഒരു മണിക്കൂര്‍ ഒമ്പത് മിനിറ്റ് നീണ്ട മത്സരത്തില്‍ 14-21, 22-20, 21-18 എന്ന സ്‌കോറിനായിരുന്നു താരത്തിന്റെ വിജയം. അഞ്ച് വര്‍ഷത്തെ കിരീട വരള്‍ചയെ മറികടക്കാന്‍ ശ്രമിക്കുന്ന 29 കാരനായ പ്രണോയ് ജപാന്റെ കൊടൈ നരോക്കയെയാണ് അടുത്തതായി നേരിടുക.

#SingaporeOpen2022 🏸@PRANNOYHSPRI defeated world No 4 Chou Tien Chen for the second straight match and towards the end of the match, won this incredible 60+ shot rally. What a point from both players! 💪

🎥BWF TV YouTube pic.twitter.com/eyYKyPW8Hl

— The Field (@thefield_in) July 14, 2022

പ്രണോയ് ഹസീന സുനില്‍ കുമാര്‍ എന്ന എച് എസ് പ്രണോയ് തിരുവനന്തപുരം സ്വദേശിയാണ്. സിംഗിള്‍സ്, ഡബിള്‍സ് വിഭാഗങ്ങളില്‍ അന്താരാഷ്ട്ര തലത്തില്‍ ഇന്‍ഡ്യയെ പ്രതിനിധീകരിക്കുന്നു. സുനില്‍ കുമാര്‍ - ഹസീന കുമാര്‍ ദമ്പതികളുടെ മകനാണ്. അച്ഛന്‍ മുന്‍ ബാഡ്മിന്റണ്‍ കളിക്കാരനും ഓള്‍ ഇന്‍ഡ്യ എയര്‍ഫോഴ്‌സ് ബാഡ്മിന്റണ്‍ ചാംപ്യനുമാണ്.

Keywords: News, World, Singapore-Open, Top-Headlines, International, Sports, India, HS Prannoy, Singapore-Open 2022, Watch: Prannoy's second straight win against world No 4 Chou. < !- START disable copy paste -->