CCTV | മഞ്ചേശ്വരം മിയാപദവിൽ വിദ്യാർഥികളുടെ ദാരുണമരണം നാടിന് ഞെട്ടലായി; ദുരന്തം കോളജിൽ പോവുന്നതിനായി റെയിൽവേ സ്റ്റേഷനിലേക്കുള്ള യാത്രയ്ക്കിടെ; അപകടത്തിന്റെ സിസിടിവി ദൃശ്യങ്ങൾ പുറത്ത്

മഞ്ചേശ്വരം: (www.kasargodvartha.com) മിയാപദവ് ബാളിയൂരിൽ രണ്ട് വിദ്യാർഥികളുടെ അപകടമരണം നാടിന് ഞെട്ടലായി മാറി. അതിനിടെ അപകടത്തിന്റെ സിസിടിവി ദൃശ്യങ്ങളും പുറത്ത് വന്നു. വെള്ളിയാഴ്ച രാവിലെ 7.15 മണിയോടെയാണ് അപകടം സംഭവിച്ചത്. വിദ്യാർഥികളെ കയറ്റുന്നതിനായി പോവുകയായിരുന്ന സ്‌കൂൾ ബസും എതിർഭാഗത്ത് നിന്ന് വരികയായിരുന്ന ബൈകും മിയാപദവ് ഗ്രാമീണ പാതയിലെ വളവിൽ കൂട്ടിയിടിക്കുകയായിരുന്നു.
മംഗ്ളൂറിലെ ശ്രീദേവി കോളജ് വിദ്യാർഥികളാണ് മൂവരും. ദിവസവും 12 കിലോമീറ്റർ അകലെയുള്ള മഞ്ചേശ്വരം റെയിൽവേ സ്റ്റേഷനിലേക്ക് ഇരുചക്രവാഹനത്തിൽ പോവുകയും ശേഷം മംഗ്ളൂറിലേക്ക് ട്രെയിനിൽ കയറി കോളജിലേക്ക് പോവുകയുമായിരുന്നു ഇവർ ചെയ്തുകൊണ്ടിരുന്നത്. പതിവുപോലെ കോളജിലേക്ക് പോവാനായി റെയിൽവേ സ്റ്റേഷനിലേക്ക് പോവുന്നതിനിടെയാണ് വെള്ളിയാഴ്ച രാവിലെ ദുരന്തം സംഭവിച്ചത്. ഹരീഷ് ഷെട്ടി ശബരിമല തീർഥാടനത്തിന് പോയിരിക്കുന്ന സമയത്താണ് അപകട വാർത്ത എത്തിയത്.
< !- START disable copy paste -->