കടലില്‍ നിന്നും മത്തി കൂട്ടത്തോടെ കരയിലേക്ക് പാഞ്ഞ് കയറി, നാട്ടുകാര്‍ക്ക് ലഭിച്ചത് അപ്രതീക്ഷിത ചാകര

By Webdesk ViSep 13, 2019, 13:37 IST

കാഞ്ഞങ്ങാട്: (www.kasargodvartha.com 13/09/2019) കടലില്‍ നിന്നും മത്തി കൂട്ടത്തോടെ കരയിലേക്ക് പാഞ്ഞ് കയറി. വെള്ളിയാഴ്ച്ച രാവിലെ 6.30 മണിയോടെയാണ് സംഭവം. കടല്‍കര ഭാഗത്ത് ഒരു ബോട്ട് പോകുമ്പോള്‍ അതിന്റെ ശബ്ദം കേട്ട് മീനുകള്‍ കരയിലേക്ക് പാഞ്ഞു കയറുകയായിരുന്നുവെന്ന് സംഭവത്തിന് ദൃക്‌സാക്ഷിയായ പടന്നക്കാട് ഒഴിഞ്ഞ വളപ്പിലെ മത്സ്യതൊഴിലാളിയായ ഭാസ്‌കരന്‍ കാസര്‍കോട് വാര്‍ത്തയോട് പറഞ്ഞു.

കടലില്‍ നിന്നും മത്തി കൂട്ടത്തോടെ കരയിലേക്ക് പാഞ്ഞ് കയറി, നാട്ടുകാര്‍ക്ക് ലഭിച്ചത് അപ്രതീക്ഷിത ചാകര

സ്ഥിരമായി രാവിലെ കടല്‍ കരയിലൂടെ നടക്കാറുണ്ടെന്നും ഇതിനിടയിലാണ് മീനുകള്‍ കരയിലേക്ക് പാഞ്ഞുകയറുന്നത് കണ്ടെതെന്നും ഭാസ്‌കരന്‍ പറഞ്ഞു. സംഭവം കണ്ട് സുഹൃത്തുകളെയും നാട്ടുക്കാരെയും വിവരമറിയിച്ച് മീനുകള്‍ വാരിയെടുക്കുകയായിരുന്നു. 50ലേറെ പേര്‍ക്ക് ചാക്ക് കണക്കിനും കൂട്ടകണക്കിനും മീനുകളാണ് ലഭിച്ചതെന്നും ഭാസ്‌കരനും സുഹൃത്തുക്കളും പറഞ്ഞു. ഒഴിഞ്ഞ വളപ്പിന് റിസോര്‍ട്ടിന് പടിഞ്ഞാറ് വശത്താണ് കടലില്‍ നിന്നും മീന്‍ കരയിലേക്ക് കയറിയത്. ചിലര്‍ ലഭിച്ച മത്സ്യം മാര്‍ക്കറ്റില്‍ എത്തിച്ച് ചെറിയ വിലയ്ക്ക് നല്‍കി.