കല്യാണത്തിന് വിഐപികള്‍ എത്തി; എംഎ യൂസഫ് അലിയുടെ മകള്‍ വന്നത് ഹെലികോപ്ടറില്‍, മമ്മൂട്ടിയുടെ മരുമകനും പങ്കെടുത്തു

By Desk AlphaAug 18, 2019, 18:20 IST

ചെമ്മനാട്: (www.kasargodvartha.com 18.08.2019) പരിസരവാസികള്‍ക്ക് ആകാംക്ഷയും കൗതുകവുമായി ചെമ്മനാട് ജമാഅത്ത് ഹയര്‍സെക്കണ്ടറി സ്‌കൂള്‍ വളപ്പില്‍ ഹെലികോപ്ടര്‍ വന്നിറങ്ങി. പ്രമുഖ വ്യവസായി എംഎ യൂസഫ് അലിയുടെ മകള്‍ സബീന യൂസഫ് അലിയാണ് ഞായറാഴ്ച രാവിലെ 11 മണിയോടെ ഹെലികോപ്ടറില്‍ ചെമ്മനാട് എത്തിയത്. ചെമ്മനാട്ട് കല്ലുവരമ്പ് ബദ്രിയ മന്‍സിലിലെ പരേതനായ അബ്ദുല്‍ റഹ്മാന്റെ മകന്‍ മുഹമ്മദ് ശിഹാബുദ്ദീനും കുടുംബവും ചേര്‍ന്ന് അതിഥികളെ സ്വീകരിച്ചു.

സബീനയുടെ ഭര്‍ത്താവ് ഡോ. ശംഷീറിന്റെ ഉടമസ്ഥതയിലുള്ള ബിപിഎസ് ഹെല്‍ത്ത് കെയറിലെ ഡെപ്യൂട്ടി ഫിനാന്‍സ് മാനേജരാണ് ശിഹാബുദ്ദീന്‍. ശിഹാബുദ്ദീന്റെ അനുജന്‍ അബുദാബിയില്‍ സിവില്‍ എഞ്ചിനീയറായ മുഹമ്മദ് സിനാന്റെ കല്യാണ ചടങ്ങില്‍ പങ്കെടുക്കാനാണ് യൂസഫ് അലിയുടെ മകള്‍ സബീന എത്തിയത്. ഡോ. ശംസീറിന് പെട്ടെന്നുണ്ടായ തിരക്ക് മൂലം യാത്ര മാറ്റിവെക്കേണ്ടി വന്നു. പ്രശസ്ത സിനിമാ താരം മമ്മൂട്ടിയുടെ മകള്‍ സുറുമിയുടെ ഭര്‍ത്താവ് റഹാനും വിവാഹച്ചടങ്ങില്‍ സംബന്ധിച്ചു.