പൗരത്വ ഭേദഗതി ബില്ലിനെതിരെ ഭാരതം ഉണര്‍ന്ന് കഴിഞ്ഞു: കെ പി രാമനുണ്ണി

 

വിദ്യാര്‍ത്ഥി സമൂഹവും യുവജനതയും ഒറ്റക്കെട്ടായി രാജ്യത്തുടനീളം പ്രതിഷേധത്തിലാണ്. ഈ പ്രതിഷേധങ്ങള്‍ ഓരോ നഗരത്തേയും മാറ്റിമറിക്കുകയാണ്. കേരളത്തിന്റെ പ്രതിഷേധം ഇന്ത്യയ്ക്കാകമാനം ഉണര്‍വ് പകരുകയാണ്. ഇത് മുസ്ലീംകളുടെ മാത്രം പ്രശ്‌നമല്ല. ഹിന്ദു സമൂഹവും മറ്റു മതസ്ഥരും രംഗത്തിറങ്ങിയിരിക്കുകയാണ്. ഇന്ന് മുസ്ലീംകള്‍ക്കാണെങ്കില്‍ നാളെ അത് ക്രിസ്ത്യാനികള്‍ക്കുമാവും. ഭരണം കൈയ്യാളുന്നവര്‍ കിരാതമായ നടപടി നടത്തുകയാണ്. ഈ ശക്തികളുടെ കൈയ്യിലുള്ളത് വെറും പച്ചക്കള്ളമാണ്. അത് ഫാസിസ്റ്റ് ഭരണകൂടം ചെയ്തുകൊണ്ടിരിക്കുകയാണ്. വരും നാളുകള്‍ വലിയ പ്രക്ഷോഭത്തിന്റെ നാളുകളായിരിക്കുമെന്നും അദ്ദേഹം പറഞ്ഞു.



ജമാഅത്തെ ഇസ്ലാമി ജില്ലാ പ്രസിഡന്റ് വി എന്‍ ഹാരിസ് അധ്യക്ഷത വഹിച്ചു. വി ആര്‍ അനൂപ്, സലീം മമ്പാട്, അതീഖ് റഹ് മാന്‍ ഫൈസി, ഷഫ്‌ന മൊയ്തു, മുഹമ്മദ് വടക്കേക്കര പ്രസംഗിച്ചു. അഷ്‌റഫ് ബായാര്‍ സ്വാഗതം പറഞ്ഞു.