യുഡിഎഫും എല്‍ഡിഎഫും പ്രഖ്യാപിച്ച ഹര്‍ത്താല്‍ പൂര്‍ണം; വാഹനങ്ങളൊന്നും ഓടിയില്ല

കാസര്‍കോട്: (www.kasargodvartha.com 10.09.2018) ഇന്ധന വില വര്‍ദ്ധനവില്‍ പ്രതിഷേധിച്ച് കോണ്‍ഗ്രസ് ദേശീയതലത്തില്‍ ആഹ്വാനം ചെയ്ത ബന്ദിന്റെ ഭാഗമായി സംസ്ഥാനത്ത് പ്രഖ്യാപിച്ച ഹര്‍ത്താല്‍ പൂര്‍ണം. കട കമ്പോളങ്ങള്‍ പൂര്‍ണമായും അടഞ്ഞുകിടന്നു. സ്വകാര്യ- കെ എസ് ആര്‍ ടി സി ബസുകളൊന്നും നിരത്തിലിറങ്ങിയില്ല. ഏതാനും സ്വകാര്യ വാഹനങ്ങള്‍ ഓടിയെങ്കിലും ഹര്‍ത്താല്‍ അനുകൂലികള്‍ പലയിടത്തും തടഞ്ഞു. വിവാഹം, മരണം തുടങ്ങിയ ആവശ്യ സര്‍വ്വീസുകളെ മാത്രമാണ് ഒഴിവാക്കിയത്.

സര്‍ക്കാര്‍ ഓഫീസുകളിലെല്ലാം തന്നെ ഹാജര്‍ നില തീരെ കുറവാണ്. പല ഓഫീസുകളും തുറന്നില്ല. ഹര്‍ത്താല്‍ അനുകൂലികള്‍ പ്രധാന കേന്ദ്രങ്ങളിലെല്ലാം പ്രകടനം നടത്തി. കാസര്‍കോട് നഗരത്തില്‍ എല്‍ ഡി എഫും യു ഡി എഫും പ്രകടനം നടത്തി.