റവന്യു ജില്ലാ സ്‌കൂള്‍ കായിക മേളയ്ക്ക് പരവനടുക്കത്ത് ഉജ്വല തുടക്കം

സബ് ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി 110 ഇനങ്ങളിലാണ് മത്സരം നടക്കുന്നത്. അധ്യാപകര്‍ക്ക് 40 വയസിന് മുകളില്‍, 40 വയസിന് താഴെ, അധ്യാപികമാര്‍ക്ക് 30 വയസിന് മുകളില്‍, 30 വയസിന് താഴെ എന്നിങ്ങനെയാണ് മത്സരം.

ചൊവ്വാഴ്ച വൈകിട്ട് 4.30 ന് സമാപന സമ്മേളനം ജില്ലാ പഞ്ചായത്ത് പ്രസിഡന്റ് പി.പി. ശ്യാമളാദേവി ഉദ്ഘാടനം ചെയ്യും. ജില്ലാ പോലീസ് ചീഫ് എസ്. സുരേന്ദ്രന്‍ സമ്മാനം വിതരണം ചെയ്യും. സ്‌കൂള്‍ പി.ടി.എ. പ്രസിഡന്റ് നാരായണന്‍ വടക്കിനിയ അധ്യക്ഷനായിരിക്കും.

കായിക മേള പ്രമാണിച്ച് പരവനടുക്കത്ത് ഉത്സവാന്തരീക്ഷമാണ്. കായിക താരങ്ങളെ വരവേല്‍ക്കാനും അവര്‍ക്ക് സൗകര്യങ്ങള്‍ ഒരുക്കാനും സംഘാടക സമിതി നടത്തിയ പ്രവര്‍ത്തനങ്ങള്‍ ശ്ലാഘിക്കപ്പെടുന്നു.