നെഹ്‌റ ക്രിക്കറ്റില്‍ നിന്നും വിരമിക്കുന്നു

By Web Desk SNOct 12, 2017, 10:16 IST

(www.kasargodvartha.com 12/10/2017) ഇന്ത്യന്‍ പേസര്‍ ആശിഷ് നെഹ്‌റ അന്താരാഷ്ട്ര ക്രിക്കറ്റില്‍ നിന്നും വിരമിക്കുന്നതായി റിപോര്‍ട്ട്. ന്യൂസിലാന്‍ഡിനെതിരെ നവംബര്‍ ഒന്നിന് ഫിറോഷ് ഷാ കോട്ട്‌ലയില്‍ നടക്കുന്ന ടി- ട്വന്റി മത്സരത്തോടെ വിരമിക്കാനാണ് തീരുമാനമെന്ന് നെഹ്‌റ വെളിപ്പെടുത്തി. ഇക്കാര്യം പരിശീകലന്‍ രവിശാസ്ത്രിയെയും നായകന്‍ കൊഹ്‌ലിയെയും നെഹ്‌റ അറിയിച്ചിട്ടുണ്ട്.

ശ്രീലങ്കക്കെതിരെ ഇന്ത്യയില്‍ നടക്കുന്ന പരമ്പര വരെ താരം തുടര്‍ന്നേക്കുമെന്നായിരുന്നു പ്രതീക്ഷ. എന്നാല്‍ ഹോം ഗ്രൗണ്ടില്‍ അവസാന മത്സരം കളിച്ച് വിരമിക്കാനാണ് നെഹ്‌റയുടെ തീരുമാനം. അടുത്ത വര്‍ഷം മുതല്‍ ഐപിഎല്ലിലും നെഹ്‌റ ഭാഗമാകില്ല.