സി പി എം - ബി ജെ പി രഹസ്യധാരണ: രാഷ്ട്രീയ സദാചാരത്തിൻ്റെ മരണമണി: ലീഗ്

By Web Desk AhnJan 10, 2021, 21:56 IST

കാസർകോട്: (www.kasargodvartha.com 10.01.2021) തദ്ദേശ സ്വയംഭരണ തെരഞ്ഞെടുപ്പിലും മഞ്ചേശ്വരം, കാസർകോട് നിയോജക മണ്ഡലങ്ങളിലെ ചില പഞ്ചായത്തുകളിൽ സ്ഥിരം സമിതി അധ്യക്ഷന്മാരുടെ തെരഞ്ഞെടുപ്പിലും രാഷ്ട്രീയ സദാചാരം ബലികഴിച്ച് സി പി എം - ബി ജെ പി കൂട്ട് കെട്ട് വരാനിരിക്കുന്ന അപകടകരമായ രാഷ്ടീയ സാഹചര്യത്തെയാണ് കാണിക്കുന്നതെന്നും ഇതിനെതിരെ മതനിരപേക്ഷവിഭാഗങ്ങളുടെ യോജിച്ച മുന്നേറ്റം അനിവാര്യമാണെന്നും മുസ്ലിം ലീഗ് ജില്ലാപ്രവർത്തക സമിതി യോഗം കുറ്റപ്പെടുത്തി.

ഏത് അധാർമിക വഴിയിലും അധികാരം ഉറപ്പിക്കുകയെന്ന സി പി എമ്മിൻ്റെ കുത്സിത നീക്കം മറ നീക്കി പുറത്ത് വന്നിരിക്കുകയാണ്. കഴിഞ്ഞ തദ്ദേശ സ്വയം ഭരണസ്ഥാപനങ്ങളിലേക്കുള്ള തെരഞ്ഞെടുപ്പിൽ മഞ്ചേശ്വരം, കാസർകോട് മണ്ഡലങ്ങളിലെ പലയിടങ്ങളിലും ബി ജെ പി ക്ക് വോട് കുറയുകയും ഇതേ സമയം സി പി എമിന് വോട് കൂടിയതും ഇവർ തമ്മിലുണ്ടാക്കിയ രഹസ്യ വോട് കച്ചവടത്തിൻ്റെ ഭാഗമാണെന്നും ഇതിൻ്റെ പ്രത്യുപകാരം അടുത്ത നിയമസഭാതെരഞ്ഞെടുപ്പിൽ തിരിച്ചു ബി ജെ പിക്ക് വോട് നൽകിയായിരിക്കുമെന്നും സംശയിക്കേണ്ടതുണ്ടെന്ന് യോഗം വിലയിരുത്തി.

സി പി എം - ബി ജെ പി രഹസ്യധാരണ: രാഷ്ട്രീയ സദാചാരത്തിൻ്റെ മരണമണി: ലീഗ്

സംസ്ഥാന സെക്രടറി അഡ്വ. പി എം എ സലാം ഉൽഘാടനം ചെയ്തു. പ്രസിഡണ്ട് ടി ഇ അബ്ദുല്ല അധ്യക്ഷത വഹിച്ചു. ജനറൽ സെക്രടറി എ അബ്ദുർ റഹ്‌മാൻ സ്വാഗതം പറഞ്ഞു. സംസ്ഥാന സെക്രടറി അബ്ദുർ റഹ്‌മാൻ കല്ലായി, സി ടി അഹ് മദലി, കല്ലട്ര മാഹിൻ ഹാജി, എൻ എ നെല്ലിക്കുന്ന് എം എൽ എ, വി കെ പി ഹമീദലി, അസീസ് മരിക്കെ, കെ മുഹമ്മദ് കുഞ്ഞി, വി പി അബ്ദുൽ ഖാദർ, വി കെ ബാവ, പി എം മുനീർ ഹാജി, മൂസ ബി ചെർക്കള, ടി എ മൂസ, എ എം കടവത്ത്, കെ ഇ എ ബക്കർ, എം പി ജഅ്ഫർ, കെ എം ശംസുദ്ദീൻ ഹാജി, എം അബ്ബാസ്, അബ്ദുല്ല കുഞ്ഞി ചെർക്കള, എ ബി ശാഫി, അബ്ദുർ റഹ് മാൻ വൺ ഫോർ, അഡ്വ. എം ടി പി കരീം, സിച് മുഹമ്മദ് കുഞ്ഞി, യു എച് അബ്ദുർ റഹ് മാൻ, എം ബി യൂസുഫ്, സയ്യിദ് ഹാദി തങ്ങൾ, യൂസുഫ് ഹേരൂർ, അബൂബക്കർ പെർദ്ദണ, മാഹിൻ കേളോട്ട്, ഹാരിസ് ചൂരി, ബേർക്ക അബ്ദുല്ല കുഞ്ഞി ഹാജി, കല്ലട്ര അബ്ദുൽ ഖാദർ, ടി പി കുഞ്ഞബ്ദുല്ല ഹാജി, എം യൂസുഫ് ഹാജി, റഫീഖ് കോട്ടപ്പുറം, പൊറായിക്ക് മുഹമ്മദ്, എ സി അത്താഉല്ല മാസ്റ്റർ, കാപ്പിൽ മുഹമ്മദ് പാഷ, കെ ശാഫി ഹാജി, എം അബ്ദുല്ല, മുഗു, എ കെഎം അശ്റഫ്, അശ്റഫ് എടനീർ, ടി ഡി കബീർ, യഹ് യ തളങ്കര, ഖാദർ ഹാജി ചെങ്കള, അൻവർ ചേരങ്കൈ, കെ പി മുഹമ്മദ് അശ്റഫ്, അനസ് എതിർത്തോട്, സി എ അബ്ദുല്ല കുഞ്ഞി, എ പി ഉമ്മർ, അബ്ബാസ് ഒണന്ത, അഡ്വ. പി എ ഫൈസൽ, അശ്റഫ് മഞ്ചേശ്വരം, ആഇശത് ത്വാഹിറ, പി പി നസീമ ടീച്ചർ സംബന്ധിച്ചു.

Keywords: Kerala, News, Kasaragod, Politics, Muslim-league, LDF, CPM, BJP, Top-Headlines, CPM-BJP secret understanding: The death knell of political morality: League.