LinkedIn | ലിങ്ക്ഡ്ഇൻ ഉപയോക്താക്കൾക്ക് സന്തോഷ വാർത്ത! ജോലി തിരയുന്നതിനൊപ്പം ഇനി ഇൻസ്റ്റാഗ്രാം, ഫേസ്ബുക്ക് എന്നിവയിലുള്ളത് പോലെ ഹ്രസ്വ വീഡിയോളും കാണാം

ന്യൂഡെൽഹി: (Kasargodvartha) ലോകമെമ്പാടുമുള്ള ദശലക്ഷക്കണക്കിന് ആളുകൾ ജോലി തിരയാൻ വേണ്ടി ഉപയോഗിക്കുന്ന പ്ലാറ്റ് ഫോമാണ് ലിങ്ക്ഡ്ഇൻ (LinkedIn). എന്നിരുന്നാലും താമസിയാതെ, ലിങ്ക്ഡ്ഇൻ തൊഴിൽ തിരയൽ വെബ്‌സൈറ്റ് എന്ന നിലയിൽ മാത്രമായിരിക്കില്ല സേവനം നൽകുക. തൊഴിലന്വേഷകരെ രസിപ്പിക്കാൻ ഗെയിമുകൾ ഉൾപ്പെടുത്തുന്നതിനെക്കുറിച്ച് ആലോചിക്കുന്നതായി അടുത്തിടെ റിപ്പോർട്ട് പുറത്തുവന്നിരുന്നു.
  


ഉപയോക്താക്കൾക്ക് പ്രസക്തമായ വീഡിയോകൾ എളുപ്പത്തിൽ കണ്ടെത്താൻ കഴിയുന്ന തരത്തിൽ ഫീച്ചർ പരീക്ഷിച്ചുകൊണ്ടിരിക്കുകയാണ്. ഫീച്ചർ ഇപ്പോൾ പ്രാരംഭ പരീക്ഷണ ഘട്ടത്തിലാണെന്നും മിക്ക ആളുകൾക്കും ഇപ്പോൾ ഇത് ഉപയോഗിക്കാൻ കഴിയില്ലെന്നും റിപ്പോർട്ട് വ്യക്തമാക്കുന്നു.

നിങ്ങൾക്ക് ഒരു വീഡിയോ ലൈക്ക് ചെയ്യാനോ കമൻ്റ് ചെയ്യാനോ മറ്റുള്ളവരുമായി പങ്കിടാനോ കഴിയും. നിലവിൽ, ഉപയോക്താക്കൾ വീഡിയോകൾ എങ്ങനെ കാണുമെന്നതിനെക്കുറിച്ചുള്ള വിവരങ്ങളൊന്നും ലഭ്യമല്ല. ഹ്രസ്വ വീഡിയോയുടെ കാര്യത്തിൽ ഇൻസ്റ്റാഗ്രാം, ഫേസ്ബുക്ക്, സ്‌നാപ്ചാറ്റ്, യൂട്യൂബ് തുടങ്ങിയ ജനപ്രിയ ആപ്പുകളുടെ പാതയിലേക്കാണ് ലിങ്ക്ഡ്ഇന്നും സഞ്ചരിക്കുന്നതെന്ന് വ്യക്തം.

കാലത്തിന്റെ മാറ്റത്തിനൊപ്പം മൈക്രോസോഫ്റ്റിൻ്റെ ഉടമസ്ഥതയിലുള്ള പ്ലാറ്റ്‌ഫോം ഈ സവിശേഷതകൾ അവതരിപ്പിച്ചുകൊണ്ട് ഉപയോക്താക്കളുടെ എണ്ണം വർധിപ്പിക്കാനാണ് ശ്രമിക്കുന്നത്. ലിങ്ക്ഡ്ഇൻ ഗെയിമിംഗിലേക്ക് കടക്കാൻ പദ്ധതിയിടുന്നതായി ടെക്‌ക്രഞ്ചിൻ്റെ മുമ്പത്തെ റിപ്പോർട്ട് വെളിപ്പെടുത്തിയിരുന്നു.