Road | കൊപ്പളം അടിപ്പാതയിൽ നിന്നുള്ള യാത്ര ഇനി സുഖകരമാവും; പുഴയോര ലിങ്ക് റോഡ് ഈ വർഷത്തോടെ കോൺക്രീറ്റ് ചെയ്‌ത് ഗതാഗതയോഗ്യമാക്കുമെന്ന് അധികൃതർ

ഈ വർഷത്തെ വാർഷിക പദ്ധതിയിൽ വകവരുത്തിയിട്ടുള്ള എട്ട് ലക്ഷം രൂപയുടെ പ്രവൃത്തി ഉടൻ ആരംഭിക്കും. കൊപ്പളം അടിപ്പാത തുറന്നു കൊടുത്തതിനുശേഷം ലിങ്ക് റോഡ് തകർന്നുകിടക്കുന്നത് കാരണം വാഹനങ്ങൾക്ക് പോകാൻ ഏറെ പ്രയാസമായിരുന്നു. ഇത് ഏറെ വിമർശനങ്ങൾക്കും വഴി വെച്ചിരുന്നു. പിന്നീട് മണ്ണിട്ട് നിരത്തിയിരുന്നു.

ലിങ്ക് റോഡ് പൂർണമായും കോൺക്രീറ്റ് ചെയ്യാൻ വലിയ തുക വേണ്ടിവരുമെന്നതിനാൽ ഈയൊരു റോഡിന് ഹാർബർ വകുപ്പിൽ നിന്ന് തുക ലഭ്യമാക്കാൻ വാർഡ് മെമ്പർ ശ്രമം നടത്തിയിരുന്നു. എന്നാൽ തുക ലഭിക്കാൻ കാലതാമസമെടുക്കുന്ന സാഹചര്യത്തിൽ കുമ്പള ഗ്രാമപഞ്ചായതിൽ നിന്ന് ലഭിക്കുന്ന തനത് തുക ഉപയോഗപ്പെടുത്തി ഘട്ടം ഘട്ടമായി റോഡ് കോൺക്രീറ്റ് ചെയ്ത് ഗതാഗതയോഗ്യമാക്കാൻ തീരുമാനിക്കുകയായിരുന്നുവെന്ന് ഖൗലത് ബീവി പറഞ്ഞു.

 

Keywords: Koppalam Underpass, Kasaragod, Malayalam News, Road, Mogral, Costal, Road, Concrete, Ward Member, Harbor, Koppalam Underpassage-River Link Road will be concreted by this year.