Short Movie | തെയ്യം പശ്ചാത്തലമായി ഒരു പ്രണയ കഥ! ഒപ്പം കാതലായ ചില ചോദ്യങ്ങളും; 'കാത്തോളാം' റിലീസാകുന്നു

  

പെൺജീവിതങ്ങൾക്ക് പണ്ടുകാലം തൊട്ട് ചില 'അരുതുകൾ' അല്ലെങ്കിൽ വിലക്കുകൾ സമൂഹം കൽപ്പിച്ച് വെച്ചിട്ടുണ്ട്. അതിപ്പഴും തുടരുന്നുണ്ട്, 'അരുതു'കളെ അതിജീവിക്കുന്ന ഒരു പെണ്ണിന്റെ കഥയാണിത്.

സമൂഹത്തിന്റെ മനസിൽ ഉണ്ടാക്കി വെക്കുന്ന വേലിക്കെട്ടുകളെ, തന്റെ മനസിൽ തളിരിട്ട പ്രണയംകൊണ്ട് പൊളിക്കുന്ന ഒരു പെൺകുട്ടിയുടെ ജീവിത യാത്രയെ തെയ്യത്തിൻ്റെ പശ്ചാത്തലത്തിൽ അവതരിപ്പിക്കുന്നു.

ഒപ്പം, കാതലായ ചില ചോദ്യങ്ങളും ഉയർത്തിയാണ് ചിത്രം പ്രേക്ഷകരോട് സംവദിക്കുന്നത്. സനീഷ് കരിപ്പാലാണ് സംവിധായകൻ. രചന: ചന്ദ്രൻ രാമന്തളി. കാമറ: തരുൺ ഭാസ്ക്കരൻ, എഡിറ്റിങ്: രാഹുൽ ബാബു.

ദീപികദാസ്, ജിതിൻ കണ്ണൻ, ശ്രീ വർഷ , ഗൗതം, പൂജ തുടങ്ങിയവരാണ് അഭിനേതാക്കൾ.