High Court | കാഞ്ഞങ്ങാട് ഗവ. ജില്ലാ ആശുപത്രി റോഡ് വിഷയം: എയിംസ് കൂട്ടായ്മയുടെ പരാതി ഹൈകോടതി ഫയലിൽ സ്വീകരിച്ചു

ഹർജി ഫയലിൽ സ്വീകരിച്ച ജസ്റ്റിസ് ദേവൻ രാമചന്ദ്രൻ ഈ ആവശ്യം പരിഗണിച്ച് 10 ദിവസത്തിനുള്ളിൽ മറുപടി കോടതിയിൽ റിപോർടായി സമർപിക്കണമെന്ന് ദേശീയപാത അതോറിറ്റിക്ക് നിർദേശം നൽകി. അതോടൊപ്പം തന്നെ ജില്ലാശുപത്രി അധികൃതർ എന്ത് കൊണ്ട് ഇങ്ങിനെ ഒരു ആവശ്യവുമായി മുന്നോട്ട് വന്നില്ല എന്നും കോടതി നിരീക്ഷിച്ചു.

എയിംസ് കാസർകോട് ജനകീയ കൂട്ടായ്മ വിവിധ സർകാർ വകുപ്പുകളിൽ പരാതികളും നിവേദനങ്ങളും നൽകുകയും ആശുപത്രിക്ക് മുന്നിൽ ഈ ആവശ്യം ഉന്നയിച്ചു കൊണ്ട് ധർണ നടത്തുകയും ചെയ്തിട്ടും യാതൊരു ഫലവും കാണാത്ത സാഹചര്യത്തിലാണ് ഹൈകോടതിയെ സമീപിച്ചത്. കോടതിയിൽ നിന്നും പാവപ്പെട്ട രോഗികൾക്കും നാട്ടുകാർക്കും അനുകൂലമായ വിധിയുണ്ടാകുമെന്ന് തന്നെയാണ് വിശ്വസിക്കുന്നതെന്ന് കൂട്ടായ്മ പ്രസിഡൻ്റ് ഗണേഷ് അരമങ്ങാനം, ജെനറൽ സെക്രടറി മുരളീധരൻ പടന്നക്കാട്, ട്രഷറർ സലീം സന്ദേശം ചൗക്കി, കോർഡിനേറ്റർ ശ്രീനാഥ് ശശി എന്നിവർ പറഞ്ഞു.

  

Keywords: News, Malayalam news, Kanhangad, Kerala, High Court, AIMS, District Hospitial,  Kanhangad Govt District Hospital Road Issue: High Court Accepts Petition On File