Arts fest | മത്സരിച്ച 3 ഇനങ്ങളിലും എ ഗ്രേഡുമായി തിളങ്ങി ദേവനന്ദ; വാടർ കളറിൽ ഒന്നാം സ്ഥാനം

By Web Desk HubDec 6, 2023, 18:37 IST

കാറഡുക്ക: (KasargodVartha) മത്സരിച്ച മൂന്ന് ഇനങ്ങളിലും എ ഗ്രേഡുമായി തിളങ്ങി ബേക്കൽ ഫിഷറീസ് ഹയർ സെകൻഡറി സ്‌കൂളിലെ ഒമ്പതാം ക്ലാസ് വിദ്യാർഥിനി കെ ദേവനന്ദ. വാടർ കളറിൽ എ ഗ്രേഡോടെ ഒന്നാം സ്ഥാനവും പെൻസിൽ ഡ്രോയിങ്, ഓയിൽ പെയിന്റിങ് എന്നിവയിൽ എ ഗ്രേഡോടെ രണ്ടാം സ്ഥാനവും നേടി.

Arts fest | മത്സരിച്ച 3 ഇനങ്ങളിലും എ ഗ്രേഡുമായി തിളങ്ങി ദേവനന്ദ; വാടർ കളറിൽ ഒന്നാം സ്ഥാനം

നൃത്തവേദി എന്ന വിഷയത്തിനാണ് വാടർ കളറിൽ ഒന്നാം സ്ഥാനം ലഭിച്ചത്. പെൻസിൽ ഡ്രോയിങിൽ കാളപ്പോരും ഓയിൽ പെയിന്റിങിൽ കൈനോട്ടവുമായിരുന്നു വിഷയം. ഇതേസ്‌കൂളിലെ അധ്യാപകനായ കെ പി ബാബു - തച്ചങ്ങാട് ഹൈസ്‌കൂളിലെ അധ്യാപിക സുനിമോൾ ദമ്പതികളുടെ മകളാണ് ഈ മിടുക്കി.

ഒന്നാം ക്ലാസ് മുതൽ ചിത്രരചനയിൽ പരിശീലനം നടത്തിവന്ന ദേവനന്ദയ്ക്ക് എൽപി - യുപി ക്ലാസുകളിൽ ഒന്നാം സ്ഥാനം ലഭിച്ചിരുന്നു. അമ്പലത്തറയിലെ വിനോദ് മാസ്റ്ററാണ് ഗുരു. ദേവനന്ദയുടെ സഹോദരിയും തിരുവനന്തപുരം യൂണിവേഴ്സിറ്റി കോളജിലെ ഡിഗ്രി വിദ്യാർഥിനിയുമായ ആര്യനന്ദ എഴുത്തിലും കവിതാരചനയിലും സമ്മാനങ്ങൾ നേടിയിട്ടുണ്ട്. ബഹിരാകാശ ശാസ്ത്രജ്ഞയാകാനാണ് ആഗ്രഹമെന്ന് ദേവനന്ദ കാസർകോട് വാർത്തയോട് പറഞ്ഞു. പോസ്റ്റർ ഡിസൈനിംഗ് ചെയ്യാനും ഏറെ ഇഷ്ടമാണ്.

Keywords: Top Headlines, Kasaragod, Kasaragod News, Kerala, Karadka, Arts Fest, Devananda, Contested, Designing, Devananda gets A grade in all 3 contested events.

< !- START disable copy paste -->