Police Booked | സിപിഎം ശക്തികേന്ദ്രത്തിൽ ബിജെപിയുടെ പോസ്റ്ററുകൾ നശിപ്പിച്ചെന്ന് പരാതി; 6 പേർക്കെതിരെ കേസ്

By Desk AlphaMar 13, 2024, 19:45 IST

ബേഡകം: (KasargodVartha) എൻഡിഎ സ്ഥാനാർഥി എം എൽ അശ്വിനിയുടെ പ്രചാരണ പോസ്റ്ററുകൾ നശിപ്പിച്ചെന്ന പരാതിയിൽ ആറു സിപിഎം പ്രവർത്തകർക്കെതിരെ ബേഡകം പൊലീസ് കേസെടുത്തു. ബേഡകം വലിയപാറയിൽ ബാലചന്ദ്രൻ്റെ മതിലിൽ ബിജെപി പ്രവർത്തകർ പതിച്ച പോസ്റ്ററുകൾ നശിപ്പിച്ചുവെന്നാണ് ആരോപണം.

Police Booked | സിപിഎം ശക്തികേന്ദ്രത്തിൽ ബിജെപിയുടെ പോസ്റ്ററുകൾ നശിപ്പിച്ചെന്ന് പരാതി; 6 പേർക്കെതിരെ കേസ്

ബിജെപി ബേഡകം പഞ്ചായത് കമിറ്റി പ്രസിഡണ്ട് ചെമ്പക്കാട് ഉദയൻ്റെ പരാതിയിൽ രാഘവൻ, ബാലകൃഷ്ണൻ, അഭിജിത്ത്, ജയൻ, രതീഷ്, വിനോദ് എന്നിവർക്കെതിരെയാണ് കേസെടുത്തത്. സമാധാനന്തരീക്ഷം തകർത്ത് ലഹള ഉണ്ടാക്കണമെന്ന ഉദ്ദേശത്തോടെ മന:പൂർവം പോസ്റ്ററുകൾ കീറി നശിപ്പിച്ചുവെന്നാണ് എഫ്‌ഐആറിൽ പറയുന്നത്. സംഭവത്തിൽ പൊലീസ് അന്വേഷണം നടത്തി വരികയാണ്.