Children’s Day | നാടെങ്ങും ശിശുദിനാഘോഷം; ഗസ്സയിൽ മരിച്ചുവീഴുന്ന പിഞ്ച് കുഞ്ഞുങ്ങൾക്കും പ്രണാമം

ഗസ്സയിൽ മരിച്ചുവീഴുന്ന പിഞ്ച് കുഞ്ഞുങ്ങൾക്കും പ്രണാമം

മൊഗ്രാൽ: ഇസ്രാഈൽ അധിനിവേശം മുൻകൂട്ടി കണ്ട നെഹ്റുവിന്റെ ആശയങ്ങൾക്ക് ഇന്ന് പ്രസക്തി വർധിച്ചതായി കുമ്പള ഗ്രാമപഞ്ചായത് അംഗം റിയാസ് മൊഗ്രാൽ പറഞ്ഞു. മൊഗ്രാൽ കടവത്ത് അംഗൻവാടിയിൽ സംഘടിപ്പിച്ച പരിപാടിയിൽ ശിശുദിന സന്ദേശം നൽകുകയായിരുന്നു റിയാസ് മൊഗ്രാൽ.

ഗസ്സയിൽ മരിച്ചുവീഴുന്ന പിഞ്ച് കുഞ്ഞുങ്ങൾക്ക് പ്രണാമം അർപിച്ച് കൊണ്ടാണ് ശിശുദിനം ആഘോഷിച്ചത്. വിവിധ മത്സരങ്ങളിലെ വിജയികളായ കുട്ടികൾക്ക് റിയാസ് മൊഗ്രാൽ സമ്മാനങ്ങൾ വിതരണം ചെയ്തു. ചടങ്ങിൽ അംഗൻവാടി അധ്യാപിക താര സ്വാഗതം പറഞ്ഞു. ടിഎം ശുഐബ്, ഇബ്രാഹിം ഖലീൽ, എം ജി എ റഹ്‌മാൻ, ടി കെ അൻവർ, റിയാസുദ്ദീൻ അഹ്‌മദ്‌ സിജി, യു എം ഇർഫാൻ, സുഹൈൽ തുടങ്ങിയവർ സംബന്ധിച്ചു. ബി എ ഖൈറുന്നീസ നന്ദി പറഞ്ഞു.

ജെനറൽ ആശുപത്രിയിൽ ശിശുദിനം ആഘോഷിച്ചു.

കാസർകോട്: ജെനറൽ ആശുപത്രിയിൽ കുട്ടികളുടെ വിഭാഗത്തിലെ ജീവനക്കാർ കുട്ടികളുടെ വാർഡിൽ ശിശുദിനം ആഘോഷിച്ചു. കേക് മുറിക്കുകയും കുട്ടികൾക്ക് മധുരം വിതരണം ചെയ്യുകയും ചെയ്തു. ഡോ. ഷറീന പി എ അധ്യക്ഷത വഹിച്ചു. ആശുപത്രി സൂപ്രണ്ട് ഡോ. ജമാൽ അഹ്‌മദ്‌ ഉദ്ഘാടനം ചെയ്തു. ആശുപത്രി സീനിയർ നഴ്സിംഗ് ഓഫീസർ രാജി പി, റാഫേൽ നഴ്സിംഗ് ഓഫീസർ ലിനി ആൻ്റണി തുടങ്ങിയവർ സംസാരിച്ചു. നഴ്സിംഗ് വിദ്യാർഥികളുടെ കലാപരിപാടികളും ഉണ്ടായിരുന്നു.

Keywords: Children,Day,Kasaragod,Hospital,Palastine,Gazza,Mogral,Celebration,Israil,Kerala Children’s Day celebrated < !- START disable copy paste -->