Fire | വൻതീപ്പിടിത്തത്തിൽ 6 ഏകറോളം കൃഷി സ്ഥലം കത്തി നശിച്ചു; ലക്ഷങ്ങളുടെ നാശനഷ്ടം

By Desk AlphaFeb 14, 2024, 19:57 IST

വെള്ളരിക്കുണ്ട്: (KasargodVartha) ബളാൽ പഞ്ചായതിലെ പായാളം എരൻകുന്നിൽ വൻതീപ്പിടിത്തം. ആറ് ഏകറോളം സ്ഥലം കത്തി നശിച്ചു. ലക്ഷങ്ങളുടെ നാശനഷ്ടം കണക്കാക്കുന്നു. പരപ്പടുക്കത്ത്‌ എരൻ കുന്നിലെ അബൂബകറിന്റെ റബർ തോട്ടത്തിൽ ബുധനാഴ്ച്ച ഉച്ചയ്ക്ക് ഒന്നര മണിയോടെയാണ് തീപ്പിടിത്തമുണ്ടായത്.

Fire | വൻതീപ്പിടിത്തത്തിൽ 6 ഏകറോളം കൃഷി സ്ഥലം കത്തി നശിച്ചു; ലക്ഷങ്ങളുടെ നാശനഷ്ടം

പിന്നീട് ഷൈനി, ലിജോ, കരണൻ, രാഘവൻ, ഇബ്രാഹിം എന്നിവരുടെ കൃഷി സ്ഥലങ്ങളിലേക്കും തീപടർന്നു. നാട്ടുകാരും കാഞ്ഞങ്ങാട് നിന്നും കുറ്റിക്കോലിൽ നിന്നും എത്തിയ അഗ്നി രക്ഷാ സേനയും മണിക്കൂറുകളോളം പരിശ്രമിച്ചിട്ടാണ് തീയണച്ചത്. റബർ മരങ്ങൾക്കാണ് കൂടുതലും നാശനഷ്ടമുണ്ടായത്.