Prices | ഹോട്ടൽ വിഭവങ്ങളും ഇനി പൊള്ളുമോ? കുത്തനെ വിലക്കയറ്റം, ആഹാര സാധനങ്ങളുടെ വില കൂട്ടേണ്ടി വരുമെന്ന് അസോസിയേഷൻ

കാസർകോട്: (KasargodVartha) അവശ്യ സാധനങ്ങളുടെ വില വർധനവ് മൂലം ഹോട്ടൽ - റെസ്റ്റോറന്റ് മേഖല ഗുരുതര പ്രതിസന്ധിയിലായെന്ന് വ്യാപാരികൾ. അവശ്യ സാധനങ്ങളുടെ വില കുറയാത്ത പക്ഷം ആഹാര സാധനങ്ങളുടെ വില കൂട്ടേണ്ടി വരുമെന്ന് ഹോട്ടൽ ആൻഡ് റസ്റ്ററന്റ് അസോസിയേഷൻ ജില്ലാ കമ്മിറ്റി മുന്നറിയിപ്പ് നൽകി.

അവശ്യ സാധനങ്ങളുടെ വില വർധനവ് മൂലം വ്യാപരികൾക്ക് അതിജീവിക്കാൻ വളരെ ബുദ്ധിമുട്ടാണ് അനുഭവപ്പെടുന്നത് എന്നാണ് അസോസിയേഷൻ ചൂണ്ടിക്കാട്ടുന്നത്. ഈ സാഹചര്യത്തിൽ, ആഹാര സാധനങ്ങളുടെ വില കൂട്ടേണ്ടി വരുമെന്ന നിർബന്ധിത സാഹചര്യത്തിലാണ് അസോസിയേഷൻ എത്തിയിരിക്കുന്നതെന്ന് ഭാരവാഹികൾ വ്യക്തമാക്കുന്നു.

പാചക വാതകം, പച്ചക്കറി, മത്സ്യം തുടങ്ങിയ അവശ്യ സാധനങ്ങളുടെ വില ദിനംപ്രതി കുതിച്ചുയരുന്നത് വലിയ ഭാരമായിരിക്കുന്നു.  എന്നാൽ ആഹാര സാധനങ്ങളുടെ വില വർധിപ്പിക്കുന്നത് നിരവധി വിഭാഗങ്ങളെ ബാധിക്കും. വിദ്യാർഥികൾ, തൊഴിലാളികൾ തുടങ്ങിയവർക്ക് ഇത് വലിയ തിരിച്ചടിയാകും. അവരുടെ പോക്കറ്റിൽ നിന്ന് കൂടുതൽ പണം ചിലവാക്കേണ്ടി വരും. വില വർധിപ്പിച്ചാൽ ഉപഭോക്താക്കളെ നഷ്ടപ്പെടുമെന്ന ആശങ്കയും ഒരു ഭാഗത്തുണ്ട്. 

ഹോട്ടൽ ആൻഡ് റസ്റ്ററന്റ് അസോസിയേഷൻ ജില്ലാ കമ്മിറ്റിയുടെ അടിയന്തര യോഗം സംസ്ഥാന സെക്രട്ടറി മുഹമ്മദ് ഗസാലി ഉദ്ഘാടനം ചെയ്തു. ജില്ലാ പ്രസിഡന്റ് നാരായണ പൂജാരി അധ്യക്ഷത വഹിച്ചു. പ്രകാശൻ, റഫീഖ് ബയിത്താൻ, സത്യനാഥൻ, അജേഷ്, രാജൻ കളക്കര സംസാരിച്ചു. ജില്ലാ സെക്രട്ടറി ബിജു ചുള്ളിക്കര സ്വാഗതവും ട്രഷർ രഘുവീർ പൈ നന്ദിയും പറഞ്ഞു.
 

#CashewCoast #Kerala #hotels #restaurants #foodprices #inflation #economy #business #localnews