city-gold-ad-for-blogger
Aster MIMS 10/10/2023

Chief Guest | റിപ്പബ്ലിക് ദിനത്തില്‍ ഇന്ത്യയുടെ മുഖ്യാതിഥിയെ തെരഞ്ഞെടുക്കുന്നത് എങ്ങനെയെന്ന് അറിയാമോ? നടപടി ക്രമങ്ങള്‍ ഇങ്ങനെ

ന്യൂഡെല്‍ഹി: (www.kasargodvartha.com) ഇന്ത്യയുടെ റിപ്പബ്ലിക് ദിനത്തിലെ പ്രധാന ആകര്‍ഷണമാണ് ചടങ്ങില്‍ മുഖ്യാതിഥിയായെത്തുന്ന വിദേശ നേതാക്കള്‍. റിപ്പബ്ലിക് ദിനത്തില്‍ മുഖ്യാതിഥിയെ ക്ഷണിക്കുന്ന രീതി 1950 മുതല്‍ നിലവിലുണ്ട്. ഈജിപ്ത് പ്രസിഡന്റ് അബ്ദുല്‍ ഫത്വാഹ് അല്‍-സിസിയാണ് ഇത്തവണ റിപ്പബ്ലിക് ദിന ആഘോഷങ്ങളില്‍ ഇന്ത്യയുടെ മുഖ്യാതിഥിയായി പങ്കെടുക്കുന്നത്. പുറത്തുനിന്ന് വരുന്ന അതിഥികള്‍ക്ക് ഈ ദിവസം പ്രത്യേക ആദരവും ആതിഥ്യവും പ്രത്യേക ഗാര്‍ഡ് ഓഫ് ഓണറും നല്‍കുന്നു.
                         
Chief Guest | റിപ്പബ്ലിക് ദിനത്തില്‍ ഇന്ത്യയുടെ മുഖ്യാതിഥിയെ തെരഞ്ഞെടുക്കുന്നത് എങ്ങനെയെന്ന് അറിയാമോ? നടപടി ക്രമങ്ങള്‍ ഇങ്ങനെ

വിദേശ അതിഥിയെത്തുന്നത് 2 വര്‍ഷത്തിന് ശേഷം

കോവിഡ് കാരണം, ഏകദേശം രണ്ട് വര്‍ഷത്തിന് ശേഷമാണ് റിപ്പബ്ലിക് ദിനത്തില്‍ മുഖ്യാതിഥി ഇന്ത്യയിലേക്ക് വരുന്നത്. 2021ല്‍ അന്നത്തെ ബ്രിട്ടീഷ് പ്രധാനമന്ത്രി ബോറിസ് ജോണ്‍സണെ മുഖ്യാതിഥിയായി ക്ഷണിച്ചിരുന്നുവെങ്കിലും ബ്രിട്ടനില്‍ കൊവിഡ്-19 കേസുകള്‍ വര്‍ധിച്ചതിനെ തുടര്‍ന്ന് അദ്ദേഹം സന്ദര്‍ശനം റദ്ദാക്കി. 2018 ലെ റിപ്പബ്ലിക് ദിനാഘോഷത്തില്‍, അസോസിയേഷന്‍ ഓഫ് സൗത്ത്-ഈസ്റ്റ് ഏഷ്യന്‍ നേഷന്‍സിന്റെ (ആസിയാന്‍) 10 രാജ്യങ്ങളിലെയും നേതാക്കള്‍ റിപ്പബ്ലിക് ദിന പരേഡില്‍ പങ്കെടുത്തു. 2020ല്‍ അന്നത്തെ ബ്രസീല്‍ പ്രസിഡന്റായിരുന്ന ജെയര്‍ ബോള്‍സോനാരോ ആയിരുന്നു മുഖ്യാതിഥി.

എങ്ങനെയാണ് മുഖ്യാതിഥികളെ തെരഞ്ഞെടുക്കുന്നത്?

മുഖ്യാതിഥിയായി ആരൊക്കെ എത്തും എന്നതിന് പല വശങ്ങളും പരിഗണിക്കുന്നുണ്ട്. ഇതില്‍ അതിഥിയുടെ രാജ്യവും ഇന്ത്യയും തമ്മിലുള്ള ബന്ധമാണ് ആദ്യം ശ്രദ്ധിക്കുന്നത്. ഈ ക്ഷണം സൗഹൃദത്തിന്റെ കരം നീട്ടുന്നതിനോ അല്ലെങ്കില്‍ ഇരു രാജ്യങ്ങള്‍ക്കുമിടയിലുള്ള സൗഹൃദത്തിന്റെ നേര്‍ക്കാഴ്ച ലോകത്തിന് കാണിക്കുന്നതിനോ ഉള്ള ഒരു ചുവടുവെയ്പ്പ് കൂടിയാണ്. ഇതുകൂടാതെ, ക്ഷണിക്കപ്പെട്ട രാജ്യത്ത് നിന്ന് ഇന്ത്യയുടെ രാഷ്ട്രീയ, ബിസിനസ്, സൈനിക, സാമ്പത്തിക, മറ്റ് താല്‍പ്പര്യങ്ങളില്‍ അതിഥി ചെലുത്തുന്ന സ്വാധീനവും പ്രത്യേകം ശ്രദ്ധിക്കുന്നു. മറ്റൊരു രാജ്യവുമായുള്ള നമ്മുടെ നാടിന്റെ ബന്ധത്തെ അതിഥിയെ വിളിക്കുന്നത് മൂലം ബാധിക്കില്ല എന്നതും പരിഗണിക്കുന്നുണ്ട്.

അതിഥിയെ ക്ഷണിക്കുമ്പോള്‍, ഇന്ത്യയും ആ രാജ്യവും തമ്മിലുള്ള ബന്ധം ചരിത്രത്തില്‍ എങ്ങനെയായിരുന്നു എന്നതും മനസില്‍ സൂക്ഷിക്കുന്നു. ഉദാഹരണത്തിന്, ഈജിപ്തും ഇന്ത്യയും തമ്മിലുള്ള സൗഹൃദം ചരിത്രപരമാണ്, കാരണം ഈ രാജ്യം 1950 കളിലും 1960 കളിലും കക്ഷിരഹിത പ്രസ്ഥാനത്തില്‍ ഇന്ത്യയുടെ പങ്കാളിയായിരുന്നു. മുന്‍ കൊളോണിയല്‍ രാജ്യങ്ങളെ ശീതയുദ്ധത്തിന്റെ പിടിയില്‍ നിന്ന് രക്ഷിക്കുക എന്നതായിരുന്നു ഈ പ്രസ്ഥാനത്തിന്റെ ലക്ഷ്യം.

രാഷ്ട്രപതിയുടെ അനുമതി വാങ്ങണം

ഇതിന് ശേഷം പ്രധാനമന്ത്രിയുടെയും രാഷ്ട്രപതിയുടെയും അനുമതി വിദേശകാര്യ മന്ത്രാലയം സ്വീകരിക്കും. അവരുടെ അനുമതി ലഭിച്ച ശേഷം തുടര്‍ നടപടികള്‍ ആരംഭിക്കും. തുടര്‍ന്ന് ആ രാജ്യത്തെ ഇന്ത്യന്‍ അംബാസഡര്‍ റിപ്പബ്ലിക് ദിനത്തില്‍ ആ രാജ്യത്തിന്റെ പ്രതിനിധികള്‍ ഉണ്ടാകുമോ ഇല്ലയോ എന്ന് അന്വേഷിക്കാന്‍ തുടങ്ങുന്നു. ചില സമയങ്ങളില്‍ ഷെഡ്യൂള്‍ ചെയ്ത മറ്റ് പ്രോഗ്രാമുകള്‍ കാരണം അതിഥികള്‍ ക്ഷണം നിരസിക്കാനും സാധ്യതയുണ്ട്.

ഇക്കാരണത്താല്‍, വിദേശകാര്യ മന്ത്രാലയം മുഖ്യാതിഥിക്കായി ഒന്നിലധികം പേരുകള്‍ പരിഗണിക്കാറുണ്ട്. ഇതിനുശേഷം, അതിഥിയുടെ രാജ്യവുമായി വിദേശകാര്യ മന്ത്രാലയം സംസാരിക്കുന്നു. മുഴുവന്‍ പ്രോഗ്രാമിന്റെയും വിശദാംശങ്ങള്‍ നല്‍കുന്ന ക്ഷണം അവര്‍ക്ക് കൈമാറുന്നു. ക്ഷണം സ്വീകരിച്ചുകഴിഞ്ഞാല്‍, തുടര്‍ തയ്യാറെടുപ്പുകള്‍ നടക്കുന്നു.

Keywords:  Latest-News, National, Top-Headlines, New Delhi, India, Republic Day Celebrations, Republic-Day, Celebration, What is the process of choosing a Republic Day Chief Guest.
< !- START disable copy paste -->

Tags

Share this story

google news
Aster mims 04/11/2022

Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL