city-gold-ad-for-blogger
Aster MIMS 10/10/2023

Sleep Apnoea | നിങ്ങൾക്ക് ഈ ഉറക്ക പ്രശ്നമുണ്ടോ, അവസ്ഥ ഗുരുതരമാണ്! ചികിത്സില്ലെങ്കിൽ എന്ത് സംഭവിക്കും?

ന്യൂഡെൽഹി: (KasargodVartha) ഉറങ്ങുന്നതിനിടയിൽ മരണപ്പെടുന്നത് സർവസാധാരണമാണ്. ഒരു രോഗവും ഇല്ലാത്തവർ വരെ ഇത്തരത്തിൽ മരണപ്പെടാറുണ്ട്. മിക്കപ്പോഴും ഇത്തരം മരണങ്ങള്‍ക്ക് മുഖ്യകാരണം 'സ്ലീപ് അപ്നിയ’ എന്ന അവസ്ഥയാണ്. ഒരു വ്യക്തി ഉറങ്ങുമ്പോൾ ശ്വാസോച്ഛ്വാസം നിലക്കുന്ന ഒരു ഉറക്ക പ്രശ്നമാണ് സ്ലീപ് അപ്നിയ. ഏറ്റവും സാധാരണമായ തരം ഒബ്സ്ട്രക്റ്റീവ് സ്ലീപ് അപ്നിയ (OSA) എന്ന് അറിയപ്പെടുന്നു. ഇത് മുതിർന്നവർക്കും കുട്ടികൾക്കും അടക്കം ആർക്കും സംഭവിക്കാം.

Sleep Apnoea | നിങ്ങൾക്ക് ഈ ഉറക്ക പ്രശ്നമുണ്ടോ, അവസ്ഥ ഗുരുതരമാണ്! ചികിത്സില്ലെങ്കിൽ എന്ത് സംഭവിക്കും?

ഈ രോഗം ഗുരുതരമാണ്, കാരണം നിങ്ങളുടെ ശ്വാസോച്ഛ്വാസം വീണ്ടും വീണ്ടും നിലച്ചാൽ അത് രക്തത്തിൽ ഓക്സിജന്റെ അഭാവത്തിന് കാരണമാകുന്നു. രക്തത്തിൽ ഓക്സിജന്റെ അഭാവം മൂലം ഹൃദയത്തിനും തലച്ചോറിനും ശരീരത്തിന്റെ മറ്റ് ഭാഗങ്ങൾക്കും അപകടസാധ്യത വർധിക്കുന്നു. വിദഗ്ധരുടെ അഭിപ്രായത്തിൽ, സ്ലീപ് അപ്നിയ സമയത്ത്, ഒരു വ്യക്തിയുടെ ശ്വസനം കുറച്ച് സെക്കൻഡ് മുതൽ ഒരു മിനിറ്റ് വരെ നിലയ്ക്കും. ഇത് 10 സെക്കൻഡോ അതിൽ കൂടുതലോ സംഭവിക്കുകയാണെങ്കിൽ, അതിനെ അപ്നിയ എന്ന് വിളിക്കുന്നു. ഇത് ചികിത്സിച്ചില്ലെങ്കിൽ, അത് ആരോഗ്യത്തെയും ജീവിതത്തെയും ഗുരുതരമായി ബാധിക്കും.

ലക്ഷണങ്ങൾ

സ്ലീപ് അപ്നിയയുടെ ചില ലക്ഷണങ്ങൾ ഉറങ്ങുമ്പോഴും ചിലത് ഉണർന്നിരിക്കുമ്പോഴും പ്രത്യക്ഷപ്പെടുന്നു.

* ഉറങ്ങുമ്പോൾ ഉണ്ടാകുന്ന ലക്ഷണങ്ങൾ:
ഉച്ചത്തിലുള്ള കൂർക്കംവലി
ശ്വാസം മുട്ടൽ അല്ലെങ്കിൽ ശ്വസിക്കാൻ ബുദ്ധിമുട്ട്
പരുക്കൻ അല്ലെങ്കിൽ ദ്രുതഗതിയിലുള്ള ശ്വസനം
ഞെട്ടിയുണരൽ
രാത്രിയിൽ പലതവണ ഉണരുന്നു
മൂക്ക് ചീറ്റുന്നത്
തൊണ്ടയനങ്ങുന്നത്

  ഉണർന്നിരിക്കുന്ന അവസ്ഥയിൽ:

മയക്കം അനുഭവപ്പെടുന്നു, ഉന്മേഷം തോന്നുന്നില്ല
ഉറക്കച്ചടവ്‌
ഉണരുമ്പോൾ തലവേദന
ശ്രദ്ധിക്കാൻ ബുദ്ധിമുട്ട്
ഓർമക്കുറവ്
സങ്കടമോ ദേഷ്യമോ തോന്നുന്നു
ലൈംഗികാഭിലാഷം കുറയുന്നു.

ചികിത്സില്ലെങ്കിൽ എന്ത് സംഭവിക്കും?

കൃത്യസമയത്ത് ചികിത്സില്ലെങ്കിൽ സ്ലീപ് അപ്നിയ ആരോഗ്യത്തിന് കാര്യമായ ഭീഷണി ഉയർത്തുന്നു, ഉയർന്ന രക്തസമ്മർദം, രക്തത്തിലെ പഞ്ചസാരയുടെ അമിത അളവ്, പ്രമേഹം, ഹൃദ്രോഗങ്ങൾ തുടങ്ങിയ ഹൃദയസംബന്ധമായ പ്രശ്നങ്ങൾ വരെ ഉണ്ടാകാൻ സാധ്യതയുണ്ട്. ഇത് ഹൃദയാഘാതം, പക്ഷാഘാതം തുടങ്ങിയ ഗുരുതരമായ സങ്കീർണതകളിലേക്ക് നയിച്ചേക്കാം. വിഷാദം, ഉത്കണ്ഠ തുടങ്ങിയവയും ഉൾപ്പെടുന്നു.

ചികിത്സിച്ചില്ലെങ്കിൽ സ്ലീപ് അപ്നിയ ഒരു വ്യക്തിയുടെ ആയുസ് കുറയ്ക്കുമെന്ന് നിരവധി പഠനങ്ങൾ തെളിയിച്ചിട്ടുണ്ട്. അതുകൊണ്ട് ജീവിതശൈലിയിൽ മാറ്റങ്ങൾ വരുത്തിക്കൊണ്ട് ഈ അവസ്ഥയെ നേരിടേണ്ടത് പ്രധാനമാണ്. പ്രായമായ രോഗികൾക്കിടയിൽ മാത്രമല്ല, ചെറുപ്പക്കാർക്കിടയിലും സ്ലീപ് അപ്നിയ വളരുന്ന പകർച്ചവ്യാധിയാണ്. പലരും ഇത് ഒരു പ്രധാന ആരോഗ്യപ്രശ്നമായി തിരിച്ചറിയുന്നില്ല, ഉറക്കത്തിൽ ഇത് ഒരു പതിവ് സംഭവമായി അവഗണിക്കുന്നു.

ശ്രദ്ധിക്കാതിരുന്നാൽ സ്ലീപ് അപ്നിയ കാലക്രമേണ വഷളാകുകയും പ്രമേഹം, രക്തസമ്മർദം, ഹൃദയ സംബന്ധമായ അസുഖങ്ങൾ തുടങ്ങിയ മറ്റ് ജീവിതശൈലി രോഗങ്ങൾക്കുള്ള അപകട ഘടകമായി മാറുകയും ചെയ്യും. സ്ലീപ് അപ്നിയയും ശരീരത്തിലെ അധിക കൊഴുപ്പും തമ്മിൽ ബന്ധമുണ്ട്, ശരീരഭാരം കുറയുകയാണെങ്കിൽ, സ്ലീപ് അപ്നിയ മെച്ചപ്പെടുന്നു. കൂടാതെ, അമിതവണ്ണമുള്ള ആളുകൾക്ക് ഒബേസിറ്റി ഹൈപ്പോവെൻറിലേഷൻ സിൻഡ്രോം എന്ന് വിളിക്കപ്പെടുന്ന സ്ലീപ് അപ്നിയയുടെ വളരെ അപൂർവമായ അവസ്ഥയുമുണ്ടാവാം.

സ്ലീപ് അപ്നിയ തടയാം

* ഗുരുതരമായ പ്രത്യാഘാതങ്ങൾ ഉണ്ടാക്കുന്ന ഒരു രോഗമാണ് സ്ലീപ് അപ്നിയ. അത്തരമൊരു സാഹചര്യത്തിൽ, ഈ രോഗത്തിൽ നിന്ന് സ്വയം പരിരക്ഷിക്കാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങളുടെ ഭാരം നിയന്ത്രണത്തിലാക്കുക.

* ദിനചര്യയിൽ ശാരീരിക പ്രവർത്തനങ്ങൾ ഉൾപ്പെടുത്തേണ്ടത് പ്രധാനമാണ്. ഇതിനായി ദിവസവും 30 മിനിറ്റ് വ്യായാമം ചെയ്യുന്നത് ഗുണം ചെയ്യും.

* ഭക്ഷണത്തിൽ മെലറ്റോണിൻ ഉൾപ്പെടുത്തുക. ഇതിനായി നിങ്ങൾക്ക് മാതളനാരകം, മുന്തിരി, ചെറി, വെള്ളരി മുതലായവ കഴിക്കാം.

* ഇതുകൂടാതെ, കൊഴുപ്പ് കുറഞ്ഞ ഉൽപ്പന്നങ്ങൾ കഴിക്കുന്നതും ഗുണം ചെയ്യും. നെയ്യിന് പകരം ഒലിവ് ഓയിൽ, സൂര്യകാന്തി അല്ലെങ്കിൽ ഫ്ളാക്സ് സീഡ് ഓയിൽ ഉപയോഗിക്കാം.

* പുകവലി, മദ്യപാനം, ഉറക്കഗുളികകളുടെ ഉപയോഗം എന്നിവ പൂര്‍ണമായും നിര്‍ത്തണം

* 30 ഡിഗ്രി ചരിവില്‍ തലപൊക്കി വെച്ച് ചരിഞ്ഞ് കിടന്നുറങ്ങുന്നത് നാക്ക് പിറകിലേക്ക് വീണ് ശ്വസന തടസമുണ്ടാക്കുന്നത് തടയും.

Keywords: News, Malayalam, Health, Lifestyle, Sleep, Apnoea, Happnies, Diseases,What Happens If Sleep Apnoea Is Not Treated?
< !- START disable copy paste -->

Tags

Share this story

google news
Aster mims 04/11/2022

DONATE
Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL