city-gold-ad-for-blogger
Aster MIMS 10/10/2023

Govt. schemes | പെൺകുട്ടികൾക്കായുള്ള മികച്ച ചില കേന്ദ്ര സർക്കാർ പദ്ധതികൾ; വിദ്യാഭ്യാസത്തിനും മറ്റ് ക്ഷേമങ്ങൾക്കും കൈത്താങ്ങ്

ന്യൂഡെൽഹി: (KasargodVartha) നവംബർ 14ന് ശിശുദിനം ആഘോഷിക്കുകയാണ്. കുട്ടികൾക്ക് സ്വാതന്ത്ര്യത്തിനും വിദ്യാഭ്യാസത്തിനും സുരക്ഷിതത്വത്തിനും അവകാശമുണ്ടെന്ന് പ്രഖ്യാപിച്ച പ്രഥമ പ്രധാനമന്ത്രി ജവഹർലാൽ നെഹ്‌റുവിന്റെ ജന്മദിനമാണ് ശിശുദിനമായി കൊണ്ടാടുന്നത്. കുട്ടികൾ ചിരിക്കുന്നതും കളിക്കുന്നതും പഠിക്കുന്നതും പുതിയ തലമുറയ്ക്ക് വളരെ പ്രധാനമാണ്. ഇന്നത്തെ കുട്ടികൾ നാളത്തെ നേതാക്കളും ശാസ്ത്രജ്ഞരും കലാകാരന്മാരും സമൂഹ നിർമാതാക്കളുമായി മാറും. ഈ കുട്ടികൾക്ക് മികച്ച വിദ്യാഭ്യാസവും സംരക്ഷണവും സ്നേഹവും നൽകാനുള്ള കടമ നമുക്കുണ്ട്.
< !- START disable copy paste -->
Govt. schemes | പെൺകുട്ടികൾക്കായുള്ള മികച്ച ചില കേന്ദ്ര സർക്കാർ പദ്ധതികൾ; വിദ്യാഭ്യാസത്തിനും മറ്റ് ക്ഷേമങ്ങൾക്കും കൈത്താങ്ങ്

ഇന്ത്യയിലുടനീളമുള്ള പെൺകുട്ടികളുടെയും സ്ത്രീകളുടെയും മൊത്തത്തിലുള്ള വികസനം ഉറപ്പാക്കുന്ന നിരവധി പദ്ധതികൾ കേന്ദ്രവും സംസ്ഥാന സർക്കാരുകളും കൊണ്ടുവന്നിട്ടുണ്ട്. പെൺകുട്ടികളുടെ വിദ്യാഭ്യാസത്തിന്റെ പ്രാധാന്യം, അവരുടെ അവകാശങ്ങൾ, ലിംഗസമത്വം പ്രോത്സാഹിപ്പിക്കൽ എന്നിവയിൽ ശ്രദ്ധ കേന്ദ്രീകരിക്കുകയാണ് ഈ പദ്ധതികൾ. ഒരു പെൺകുട്ടിക്ക് വിദ്യാഭ്യാസത്തിനും മറ്റ് ക്ഷേമത്തിനുമായി പ്രയോജനപ്പെടുത്താൻ കഴിയുന്ന മികച്ച കേന്ദ്ര സർക്കാർ പദ്ധതികളെ അറിയാം.

* സുകന്യ സമൃദ്ധി യോജന (Sukanya Samriddhi Yojana)

2015 ജനുവരി 22ന് ആരംഭിച്ച സുകന്യ സമൃദ്ധി യോജന (എസ്‌എസ്‌വൈ) രാജ്യത്തെ പെൺകുട്ടികളുടെ ഉന്നമനം ലക്ഷ്യമിടുന്നു. പെൺകുട്ടികളുടെ ഭാവി പഠനത്തിനും വിവാഹ ചിലവുകൾക്കുമായി നിക്ഷേപിക്കാനും തുക കണ്ടെത്തുന്നതിനും ഇത് മാതാപിതാക്കളെ പ്രോത്സാഹിപ്പിക്കുന്നു. ഒരു സാമ്പത്തിക വർഷത്തിൽ കുറഞ്ഞത് 250 രൂപയും പരമാവധി നിക്ഷേപം 1.5 ലക്ഷം രൂപയുമായി ബാങ്കുകളിൽ ഒരു പെൺകുട്ടിക്ക് സുകന്യ സമൃദ്ധി അക്കൗണ്ട് തുറക്കാം. പെൺകുട്ടിക്ക് 10 വയസ് തികയുന്നത് വരെ അവരുടെ പേരിൽ അക്കൗണ്ട് തുടങ്ങാം. പദ്ധതി കാലയളവ് 21 വർഷമാണ്, അല്ലെങ്കിൽ 18 വയസ് തികഞ്ഞു പെൺകുട്ടി വിവാഹിതയാകുന്നതുവരെ. പ്രതിവർഷം 7.6 ശതമാനം പലിശ ലഭിക്കും.

* സിബിഎസ്ഇ ഉഡാൻ പദ്ധതി (CBSE UDAAN Scheme)

മാനവ വിഭവശേഷി വികസന മന്ത്രാലയത്തിന് കീഴിലുള്ള സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (എംഎച്ച്ആർഡി) 2014-ൽ ആരംഭിച്ച പദ്ധതി, പ്രശസ്ത എൻജിനീയറിംഗ് സ്ഥാപനങ്ങളിൽ പെൺകുട്ടികളുടെ പ്രവേശനം പ്രോത്സാഹിപ്പിക്കുന്നതിനും, സ്കൂൾ വിദ്യാഭ്യാസത്തിനും എൻജിനീയറിംഗ് പ്രവേശന പരീക്ഷകൾക്കും ഇടയിലുള്ള അധ്യാപന വിടവ് കുറയ്ക്കുന്നതിനും വേണ്ടിയാണ്. ഗുണഭോക്തൃ വിദ്യാർത്ഥിനി ഐഐടിയിലോ എൻഐടിയിലോ മറ്റേതെങ്കിലും കേന്ദ്ര ധനസഹായമുള്ള സാങ്കേതിക വിദ്യാഭ്യാസ സ്ഥാപനത്തിലോ സീറ്റ് നേടുകയും ഉഡാൻ ക്ലാസുകളിൽ കുറഞ്ഞത് 75% നേടുകയും ചെയ്താൽ, അവർക്ക് ട്യൂഷൻ ഫീസ്, പ്രവേശന ഫീസ്, ഹോസ്റ്റൽ എന്നിവയിൽ സാമ്പത്തിക സഹായം ലഭിക്കും. ആറ് ലക്ഷം രൂപയിൽ താഴെ കുടുംബ വരുമാനമുള്ള ഏതൊരു ഇന്ത്യൻ പെൺകുട്ടിക്കും പദ്ധതിക്ക് അർഹതയുണ്ട്.

* ധനലക്ഷ്മി പദ്ധതി Dhanlakshmi Yojana)

ഇൻഷുറൻസ് പരിരക്ഷ നൽകി, ഇന്ത്യയിൽ പെൺ ശിശുഹത്യകൾ കുറയ്ക്കുന്നതിനാണ് ധനലക്ഷ്മി പദ്ധതി പ്രധാനമായും ശ്രദ്ധ കേന്ദ്രീകരിക്കുന്നത്. ഈ പദ്ധതി പെൺകുട്ടികളുടെ വിദ്യാഭ്യാസത്തെ പിന്തുണയ്ക്കുകയും, നേരത്തെയുള്ള വിവാഹം തടയുന്നതിന് ആകർഷകമായ ഇൻഷുറൻസ് പദ്ധതികൾ വാഗ്ദാനം ചെയ്യുകയും ചെയ്യുന്നു. പെൺകുട്ടികളുള്ള താഴ്ന്ന വരുമാനമുള്ള കുടുംബങ്ങൾക്ക് ഈ പദ്ധതി സോപാധികമായ ക്യാഷ് ഇൻസെന്റീവ് നൽകുന്നു.

* ബാലികാ സമൃദ്ധി യോജന

ബാലികാ സമൃദ്ധി യോജന 1997 ഒക്‌ടോബർ രണ്ട് ആരംഭിച്ചത് ആ വർഷത്തെ ഗാന്ധി ജയന്തി ആഘോഷത്തോടനുബന്ധിച്ചാണ്, ഇത് പെൺകുട്ടി-കുട്ടികളുടെ മൊത്തത്തിലുള്ള പദവി ഉയർത്താനും കുടുംബത്തിലും സമൂഹ മനോഭാവത്തിലും നല്ല മാറ്റം കൊണ്ടുവരാനും ലക്ഷ്യമിടുന്നു. ദാരിദ്ര്യരേഖയ്ക്ക് താഴെയുള്ള ഒരു കുടുംബത്തിൽ 1997 ഓഗസ്റ്റ് 15-നോ അതിനുശേഷമോ ജനിച്ച രണ്ട് പെൺകുട്ടികളെ ഈ പദ്ധതി കവർ ചെയ്യുന്നു. ബിപിഎൽ കുടുംബങ്ങളിലെ പെൺകുഞ്ഞിന് ജന്മം നൽകുന്ന അമ്മയ്ക്ക് 500 രൂപ ഒറ്റത്തവണ ഗ്രാന്റായി ൽകുന്നു.

* ബേട്ടി ബച്ചാവോ ബേട്ടി പഠാവോ (Beti Bachao Beti Padhao)

ലിംഗാധിഷ്ഠിത ഗർഭഛിദ്രം പോലുള്ള സാമൂഹിക പ്രശ്നങ്ങളിൽ നിന്ന് കുട്ടികളെ രക്ഷിക്കുകയും രാജ്യത്തുടനീളമുള്ള കുട്ടികളുടെ വിദ്യാഭ്യാസം ഉറപ്പാക്കുകയുമാണ് പദ്ധതിയുടെ പ്രധാന ലക്ഷ്യം. പല സ്കൂളുകളും സർവകലാശാലകളും വ്യത്യസ്ത മാർഗങ്ങളിലൂടെ ഈ പദ്ധതി നടപ്പിലാക്കുന്നു. ചില സർവകലാശാലകൾ, വിദ്യാർഥിനികളുടെ ഉപരിപഠനത്തിനായി, രജിസ്ട്രേഷനും പ്രവേശനത്തിനും ഫീസ് ഇളവുകൾ നൽകുന്നുണ്ട്. പെൺകുട്ടിയെ സംരക്ഷിക്കുക, പെൺകുട്ടിയെ പഠിപ്പിക്കുക എന്നതാണ് പദ്ധതിയുടെ ലക്ഷ്യം. പെൺകുട്ടികൾ ജനിക്കുന്നതിന് മുമ്പും ശേഷവും അവരുടെ കുട്ടികളുടെ സുരക്ഷ പ്രോത്സാഹിപ്പിക്കുന്നതിനാണ് ഈ പദ്ധതി.

Keywords:   News, National, New Delhi, November 14, India, Government, Scheme, Child, Celebration, Education, Girl, Top government schemes for the girl child in India.

Tags

Share this story

google news
Aster mims 04/11/2022

Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL