Windshield | പുത്തൂരിൽ നിന്ന് കാസർകോട്ടേക്ക് വരികയായിരുന്ന കെഎസ്ആർടിസി ബസിന്റെ ചില്ല് തകർന്നുവീണു; 3 പേർക്ക് പരുക്ക്

മംഗ്ളുറു: : (KasargodVartha) യാ​ത്ര​ക്കാ​രു​മാ​യി ഓ​ടി​ക്കൊ​ണ്ടി​രു​ന്ന കേരള ആർടിസി ബസിന്റെ മുൻവശത്തെ ചില്ല് തകർന്നുവീണ് മൂന്ന് പേർക്ക് പരുക്കേറ്റു. പുത്തൂരിൽ നിന്ന് വിട് ല വഴി കാസർകോട് ഭാഗത്തേക്ക് പോവുകയായിരുന്നു ബസ്. ഉരിമജലുവിന് സമീപം എത്തിയപ്പോൾ ബസിൻ്റെ മു​ൻ​വ​ശ​ത്തെ വ​ലി​യ  ചില്ല് പെട്ടെന്ന് തകർന്നുവീഴുകയായിരുന്നു.

ചെർക്കള നെല്ലിക്കട്ടയിലെ ആൺകുട്ടിക്ക് സാരമായി പരുക്കേറ്റു. കുട്ടിയെ പുത്തൂരിലെ ആശുപത്രിയിൽ പ്രവേശിപ്പിച്ചു. ഡ്രൈവർക്കും മറ്റൊരു കുട്ടിക്കും നിസാര പരുക്കേറ്റിട്ടുണ്ട്. വേനൽചൂട് കൂടിയതാവാം ചില്ല് പൊടുന്നനെ പൊട്ടാൻ കാരണമെന്നാണ് പറയുന്നത്.