കേരളത്തില് അടുത്ത 4 ദിവസം കൂടി ഒറ്റപ്പെട്ട മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്; വിവിധ ജില്ലകളില് യെലോ അലേര്ട്
Jan 13, 2021, 09:17 IST
തിരുവനന്തപുരം: (www.kasargodvartha.com 13.01.2021) കേരളത്തില് അടുത്ത നാല് ദിവസം കൂടി ഒറ്റപ്പെട്ട മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഒറ്റപ്പെട്ടയിടങ്ങളില് 24 മണിക്കൂറില് 64.5 മി.മീ മുതല് 115.5 മി.മീ വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്. തിരുവനന്തപുരം, കൊല്ലം, ഇടുക്കി ജില്ലകളില് യെലോ അലേര്ട് പ്രഖ്യാപിച്ചു.
കേരള തീരത്ത് നിന്നും മാറി ലക്ഷദ്വീപ്, മാലിദ്വീപ് പ്രദേശങ്ങളിലും കന്യാകുമാരി പ്രദേശങ്ങളിലും മോശം കാലാവസ്ഥക്കും മണിക്കൂറില് 45 മുതല് 55 കി മി വരെ വേഗതയില് കാറ്റിനും മോശം കാലാവസ്ഥക്കും സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. കേരളാ തീരത്ത് മണിക്കൂറില് 45 മുതല് 55 കിലോമീറ്റര് വരെ വേഗത്തില് കാറ്റ് വീശാന് സാധ്യതയുളളതിനാല് മത്സ്യത്തൊഴിലാളില് കടലില് പോകരുതെന്നും നിര്ദ്ദേശമുണ്ട്.
Keywords: News, Kerala, State, Top-Headlines, Thiruvananthapuram, Rain, Fisher-workers, Isolated showers expected in Kerala for next 4 days; Yellow Alert in various districts