ബൈക്കില്‍ കാറിടിച്ച് കോളജ് അധ്യാപകന് ഗുരുതരം

കാഞ്ഞങ്ങാട്: (www.kasargodvartha.com 13.04.2019) ബൈക്കില്‍ കാറിടിച്ച് കോളജ് അധ്യാപകന് ഗുരുതരമായി പരിക്കേറ്റു. കയ്യൂര്‍ സ്വദേശിയും കോട്ടപ്പാറ മലബാര്‍ എഞ്ചിനീയറിംഗ് കോളജില്‍ അധ്യാപകനുമായ പി വി രഞ്ജിത്ത് കുമാറി(33)നാണ് പരിക്കേറ്റത്.

ആനന്ദാശ്രമം മില്‍മക്ക് സമീപം വെച്ചാണ് അപകടമുണ്ടായത്. രഞ്ജിത്ത് ഓടിച്ചിരുന്ന കെ എല്‍ 60 എല്‍ 2342 നമ്പര്‍ ബുള്ളറ്റില്‍ എതിരെ നിന്നും വരികയായിരുന്ന കെ എല്‍ 60 എം 4786 നമ്പര്‍ കാറിടിക്കുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ചുവീണ് ഗുരുതരമായി പരിക്കേറ്റ രഞ്ജിത്തിനെ ഓടിക്കൂടിയ നാട്ടുകാരാണ് ആശുപത്രിയില്‍ പ്രവേശിപ്പിച്ചത്. നില ഗുരുതരമായതിനാല്‍ മംഗളൂരുവിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.

സംഭവത്തില്‍ കാര്‍ ഡ്രൈവര്‍ക്കെതിരെ ഹോസ്ദുര്‍ഗ് പോലീസ് കേസെടുത്തു.