Cleaning | നടക്കാനിറങ്ങിയ മന്ത്രിക്ക് മുന്നില്‍ മാലിന്യക്കൂമ്പാരം; ഉദ്യോഗസ്ഥരെ വിളിച്ചുവരുത്തി കര്‍ശന നിര്‍ദേശം; ചന്ദ്രഗിരി പുഴയോരം മണിക്കൂറുകള്‍ക്കകം ശുചിയാക്കി

കാസര്‍കോട്: (www.kasargodvartha.com) പ്രഭാത നടത്തത്തിനിറങ്ങിയ തദ്ദേശ സ്വയംഭരണ മന്ത്രി എംബി രാജേഷിന് മുന്നില്‍ പെട്ടത് മാലിന്യക്കൂമ്പാരം. ഉദ്യോഗസ്ഥരെ വിളിച്ചുവരുത്തി മന്ത്രി ഇടപെട്ടതോടെ ചന്ദ്രഗിരി പുഴയോരം മണിക്കൂറുകള്‍ക്കകം ശുചിയായി. ശനിയാഴ്ച രാവിലെയായിരുന്നു സംഭവം.
   
ജില്ലയില്‍ വിവിധ പരിപാടികളില്‍ സംബന്ധിക്കാന്‍ എത്തിയതായിരുന്നു മന്ത്രി. ഗസ്റ്റ് ഹൗസില്‍ താമസിച്ചിരുന്ന മന്ത്രി ശനിയാഴ്ച രാവിലെ ടൗണ്‍ ഹോളിന് പിന്‍ഭാഗത്ത് പുഴയോരത്തെ റോഡില്‍ കൂടി നടക്കുന്നതിനിടയിലാണ് മാലിന്യങ്ങള്‍ കുന്ന് കൂട്ടിയിരിക്കുന്നത് ശ്രദ്ധയില്‍ പെട്ടത്. ഗസ്റ്റ് ഹൗസില്‍ തിരിച്ചെത്തിയ മന്ത്രി നഗരസഭയിലെ ആരോഗ്യ വിഭാഗം ഉദ്യോഗസ്ഥരെ വിളിച്ചുവരുത്തി.

മാലിന്യങ്ങള്‍ ഉടനടി നീക്കണമെന്നും നിക്ഷേപിക്കുന്നവര്‍ക്കെതിരെ നടപടിയെടുക്കണമെന്നും മന്ത്രി കര്‍ശന നിര്‍ദേശം നല്‍കിയതോടെ അധികൃതര്‍ ഉണര്‍ന്ന് പ്രവര്‍ത്തിച്ചു. ഉടന്‍ തന്നെ നഗരസഭയിലെ ശുചീകരണ തൊഴിലാളികള്‍ സ്ഥലത്തെത്തി മാലിന്യങ്ങള്‍ നീക്കുകയും ചെയ്തു. < !- START disable copy paste -->