സ്‌കൂള്‍ വിദ്യാര്‍ത്ഥികളും ബസ് ജീവനക്കാരും തമ്മില്‍ റോഡില്‍ പൊരിഞ്ഞ തല്ല്; എല്ലാ ബസുകളും ദേശീയപാതയില്‍ നിര്‍ത്തി ജീവനക്കാരുടെ പ്രതിഷേധം, ഗതാഗതം സ്തംഭിച്ചു

ഉപ്പള: (www.kasargodvartha.com 28.11.2018) സ്‌കൂള്‍ വിദ്യാര്‍ത്ഥികളും ബസ് ജീവനക്കാരും തമ്മില്‍ റോഡില്‍ പൊരിഞ്ഞ തല്ല്. ഇതേതുടര്‍ന്ന് എല്ലാ ബസുകളും ദേശീയപാതയില്‍ നിര്‍ത്തി ജീവനക്കാര്‍ പ്രതിഷേധിച്ചതോടെ ഗതാഗതം സ്തംഭിച്ചു. മുട്ടം കുനില്‍ സ്‌കൂളിലെ വിദ്യാര്‍ത്ഥികളും സ്വകാര്യ ബസ് ജീവനക്കാരും തമ്മിലാണ് ഏറ്റുമുട്ടലുണ്ടായത്. വിദ്യാര്‍ത്ഥികളെ ബസില്‍ കയറ്റുന്നതുമായി ബന്ധപ്പെട്ട പ്രശ്‌നമാണ് സംഘട്ടനത്തിന് കാരണമെന്നാണ് വിവരം.

ബുധനാഴ്ച വൈകിട്ട് 4.30 മണിയോടെയാണ് സംഭവം. മുട്ടം മുതല്‍ ഉപ്പള വരെ റോഡില്‍ വാഹനങ്ങളുടെ നീണ്ടനിരയാണ്. വിവരമറിഞ്ഞ് കുമ്പള പോലീസ് സ്ഥലത്തെത്തി ഗതാഗത സ്തംഭനം പരിഹരിക്കാനുള്ള നടപടികള്‍ സ്വീകരിച്ചുവരികയാണ്.