കോഴിയങ്കം; 4 പേര്‍ അറസ്റ്റില്‍

അമ്പലത്തറ: (www.kasargodvartha.com 19.01.2019) സ്വകാര്യ വ്യക്തിയുടെ പറമ്പില്‍ പണം വെച്ച് കോഴി അങ്കത്തിലേര്‍പെട്ട നാലുപേരെ പോലീസ് അറസ്റ്റ് ചെയ്തു. പൊയിനാച്ചിയിലെ നാരായണന്‍ നായര്‍ (62), കാടകത്തെ ബാലകൃഷ്ണന്‍ (45), കുണ്ടംകുഴിയിലെ ഗോപാലന്‍ (54), കൃഷ്ണന്‍ (45) എന്നിവരെയാണ് അമ്പലത്തറ പോലീസ് അറസ്റ്റ് ചെയ്തത്.

അങ്കത്തട്ടില്‍ നിന്നും പത്ത് കോഴിയെയും 320 രൂപയും പോലീസ് പിടിച്ചെടുത്തു. വെള്ളിയാഴ്ച രാത്രിയാണ് കോളോത്ത് നമ്പ്യാരടുക്കത്തെ സ്വകാര്യ വ്യക്തിയുടെ പറമ്പില്‍ കോഴിയങ്കം അരങ്ങേറിയത്. അമ്പലത്തറ പോലീസിന് രഹസ്യ വിവരം കിട്ടിയതിന്റെ അടിസ്ഥാനത്തില്‍ സ്ഥലത്തെത്തി കോഴിയങ്കത്തില്‍ പങ്കെടുത്ത നാലുപേരെയും പോലീസ് പിടികൂടുകയായിരുന്നു.