6 വയസുകാരിയെ ജ്വല്ലറിയില്‍ വെച്ച് പീഡിപ്പിച്ച വ്യാപാരിയെ കോടതി കുറ്റക്കാരനെന്ന് കണ്ടെത്തി

By Web Desk - MainApr 16, 2019, 23:03 IST

കാസര്‍കോട്: (www.kasargodvartha.com 16.04.2019) ആറു വയസുകാരിയെ ജ്വല്ലറിയില്‍ വെച്ച് പീഡിപ്പിച്ച വ്യാപാരിയെ കോടതി കുറ്റക്കാരനെന്ന് കണ്ടെത്തി. പെര്‍ള ഇടിയടുക്കയിലെ ചിതാനന്ദ ആചാര്യ (50)യെയാണ് കാസര്‍കോട് ജില്ലാ അഡീ. സെഷന്‍സ് കോടതി (ഒന്ന്) ജഡ്ജ് പി എസ് ശശികുമാര്‍ കുറ്റക്കാരനെന്ന് കണ്ടെത്തിയത്. 2016 ലാണ് കേസിനാസ്പദമായ സംഭവം.

ജ്വല്ലറിയിലേക്ക് ആറു വയസുകാരിയെ പ്രലോഭിപ്പിച്ച് കൊണ്ടുവന്ന് പീഡിപ്പിക്കുകയായിരുന്നുവെന്നാണ് കേസ്. പ്രതിക്കുള്ള ശിക്ഷ ബുധനാഴ്ച പ്രഖ്യാപിക്കും. പ്രോസിക്യൂഷനു വേണ്ടി അഡ്വ. പ്രകാശ് അമ്മണ്ണായ ഹാജരായി.