കഞ്ഞികടക്ക് തീ പിടിച്ചു; പണവും പാത്രങ്ങളും കത്തിനശിച്ചു

By Web Desk - MainApr 25, 2019, 17:58 IST

കാഞ്ഞങ്ങാട്: (www.kasargodvartha.com 25.04.2019) കോട്ടച്ചേരി നയാബസാറിലെ കഞ്ഞികടക്ക് തീപിടിച്ച് പണവും പാത്രങ്ങളും മറ്റു സാധനങ്ങളും പൂര്‍ണമായും കത്തി നശിച്ചു. കൊളവയല്‍ സ്വദേശി ശശിയുടെ ഉടമസ്ഥതയിലുള്ള കഞ്ഞികടക്കാണ് വ്യാഴാഴ്ച രാവിലെ 8.30 മണിയോടെ തീപിടുത്തമുണ്ടായത്. ഫര്‍ണിച്ചറുകളും മറ്റു സാധനങ്ങളും കത്തി നശിച്ചു.

മേശവലിപ്പിലുണ്ടായിരുന്ന പതിനായിരം രൂപയും കത്തിനശിച്ചവയില്‍ ഉള്‍പ്പെടും. കാഞ്ഞങ്ങാട്ട് നിന്നും ഫയര്‍ഫോഴ്സെത്തി ഉടന്‍ തീയണച്ചതിനാല്‍ വന്‍ ദുരന്തം ഒഴിവായി. ഗ്യാസ് സിലിണ്ടറില്‍ നിന്നുമാണ് തീപിടുത്തം ഉണ്ടായതെന്ന് സംശയിക്കുന്നു.