നിയന്ത്രണം വിട്ട കാര്‍ ബൈക്കിലേക്ക് പാഞ്ഞു കയറി: മൂന്നുപേര്‍ക്ക് പരിക്ക്; ഞെട്ടിക്കുന്ന സിസിടിവി ദൃശ്യം പുറത്ത്

By WebDesk OmegaJan 1, 2020, 14:45 IST

പയ്യന്നൂര്‍: (www.kasargodvartha.com 01.01.2020) പയ്യന്നൂര്‍: നിയന്ത്രണം വിട്ട കാര്‍ ബൈക്കിലെക്ക് പാഞ്ഞു കയറി. മൂന്നുപേര്‍ക്ക് പരിക്കേറ്റു. ബുധനാഴ്ച രാവിലെ ഒമ്പതുമണിയോടെ പെരുമ്പ ബൈപാസ് ജംഗ്ഷനിലാണ് സംഭവം. അതിവേഗത്തില്‍ വന്ന കാര്‍ ബൈക്കിനെയും ഇടിച്ചുതെറിപ്പിച്ച് സമീപത്തുള്ള സ്‌കില്‍ടെക്ക് ഇലക്ട്രോണിക്‌സ് കടയിലേക്ക് പാഞ്ഞുകയറുകയായിരുന്നു. അപകടത്തിന്റെ ഞെട്ടിക്കുന്ന സിസിടിവി ദൃശ്യം പുറത്ത് വന്നിട്ടുണ്ട്.

വെള്ളൂര്‍ പാലത്തേരയിലെ മുഹമ്മദ് (19), ബൈക്ക് യാത്രികരായ ചെറുപുഴയിലെ റോബിന്‍ ജോയ് (31), നിതിന്‍ ജേക്കബ് (26) എന്നിവരെ ഗുരുതരമായ പരിക്കുകളോടെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.