നീറ്റ് പരീക്ഷയിൽ കേരളത്തിന് അഭിമാനമായി കാർത്തിക ജി നായർ

പയ്യന്നൂർ: (www.kasargodvartha.com 03.11.2021) അഖിലേന്ത്യ തലത്തിൽ മെഡികൽ ബിരുദ പ്രവേശനത്തിനായി നാഷണൽ ടെസ്റ്റിംഗ് ഏജൻസി നടത്തുന്ന നീറ്റ് പരീക്ഷയിൽ ഒന്നാം സ്ഥാനത്തെത്തി കേരളത്തിന് അഭിമാനമായി കാർത്തിക ജി നായർ. മുംബൈ പനവേലിൽ സ്വകാര്യ കമ്പനിയിൽ മാനജരായ കാലിക്കടവ് സ്വദേശി കെ വി ഗംഗാധരൻ - മുംബൈയിലെ പിള്ളൈസ് കോളജ് കംപ്യൂടെർ സയൻസ് അധ്യാപിക കരിവെള്ളൂരിലെ ടി വി ശ്രീവിദ്യ ദമ്പതികളുടെ മകളാണ്.

  


15.44 ലക്ഷം വിദ്യാർഥികൾ എഴുതിയ നീറ്റ് പരീക്ഷയിൽ 720 ൽ 720 മാർകും നേടിയാണ് കാർത്തിക മുന്നിലെത്തിയത്. മൂന്നു പേരാണ് ഒന്നാം സ്ഥാനം പങ്കിട്ടത്. തെലുങ്കാനയിലെ മൃണാൾ കുറ്റെരിയും ഡൽഹിയിലെ തൻമയി ഗുപ്തയുമാണ് മറ്റു രണ്ടു പേർ. എന്നാൽ വയസ് അനുസരിച്ച് റാങ്ക് തീരുമാനിക്കുമ്പോൾ എ ഐ ആർ മൂന്ന് ആയി മാറും കാർത്തിക.

ഡൽഹി എയിംസിൽ ചേർന്ന് പഠിച്ച് ഒരു കാൻസർ ചികിത്സ വിദഗ്ദയാവാനാണ് കാർത്തികക്ക് താൽപര്യം. കോട്ടക്കൽ ആര്യവൈദ്യശാല കണ്ണൂർ ബ്രാഞ്ചിലെ സീനിയർ ഫിസിഷ്യൻ പയ്യന്നൂർ അന്നൂർ സ്വദേശി ഡോ. ടി വി ശ്രീജിതിൻ്റെ മരുമകൾ കൂടിയാണ് കാർത്തിക.


< !- START disable copy paste -->