ട്രെയിന്‍ യാത്രക്കാരന്റെ 50 ലക്ഷം നഷ്ടപ്പെട്ടെന്ന പരാതിയില്‍ ദുരൂഹത
Sep 21, 2012, 22:41 IST
ബാഗുകള്‍ ബര്‍ത്തില്‍ തല ഭാഗത്ത് വെച്ച് ഉറങ്ങിയെന്നും കോഴിക്കോട്ട് എത്തുമ്പോഴാണ് പണമടങ്ങിയ ബാഗ് നഷ്ടപ്പെട്ടതായി അറിഞ്ഞതെന്നും നാരായണന് പറയുന്നു. ഈ പരാതിയുടെ നിജസ്ഥിതി അന്വേഷിക്കാന്‍ തുടങ്ങിയ റെയില്‍വെ പോലീസ് നാരായണന്റെ മൊഴിയില്‍ അവ്യക്തതകള്‍ കണ്ടെത്തിയിട്ടുണ്ട്. കെട്ടിട നിര്‍മാണവും റിയല്‍ എസ്റ്റേറ്റ് ഇടപാടുമുള്ള നാരായണന് നിരവധി ബാങ്കുകളിലായി ഏതാണ്ട് 20 ലക്ഷത്തിലേറെ രൂപയുടെ കടബാധ്യതയുണ്ടെന്ന് പോലീസ് കണ്ടെത്തിയിട്ടുണ്ട്.
നാരായണന്റെ ഭാര്യയെ ചോദ്യം ചെയ്തപ്പോള്‍ ഇത്രയും വലിയൊരു തുകയുമായി നാരായണന് വീട്ടില്‍ നിന്ന് ഇറങ്ങിയിട്ടില്ലെന്ന് വ്യക്തമായിട്ടുണ്ട്. ഇദ്ദേഹം തിരുവനന്തപുരത്തേക്ക് പോയത് ഭൂമി കച്ചവടമാക്കാനല്ലെന്നും സ്ഥലം കാണാന്‍ മാത്രമാണെന്നും പോലീസിന് സൂചന കിട്ടിയിട്ടുണ്ട്. സ്ഥലം മാത്രം കാണാന്‍ പോകുമ്പോള്‍ ഇത്രയധികം പണം കൂടെ കൊണ്ടുപോകുമോ എന്ന സംശയമാണ് റെയില്‍വെ പോലീസിനുള്ളത്.
സംഭവവുമായി ബന്ധപ്പെട്ട് തിടുക്കത്തില്‍ കേസുകള്‍ രജിസ്റ്റര്‍ ചെയ്യേണ്ടെന്നാണ് റെയില്‍വെ പോലീസിന്റെ തീരുമാനം. കവര്‍ച നടന്നുവെന്ന് പറയുന്ന സ്ഥലപരിധി ഷൊര്‍ണൂരിലായതിനാല്‍ നാരായണന്റെ പരാതി ഷൊര്‍ണൂര്‍ റെയില്‍വെ പോലീസിന് കൈമാറാനാണ് കണ്ണൂര്‍ റെയില്‍വെ പോലീസ് തീരുമാനിച്ചിട്ടുള്ളത്.
Keywords: Kasaragod, Kanhangad, Injured, Police, Kannur, Kerala, Train
Tags
Share this story
