പണമിടപാടില്‍ വിശ്വാസവഞ്ചന; കുടുങ്ങുമെന്നായതോടെ ഒളിവില്‍പോയി, 13 വര്‍ഷം ഒളിവില്‍ കഴിഞ്ഞ പ്രതി ഒടുവില്‍ മൈസൂരില്‍ അറസ്റ്റില്‍

By Web Desk - MainSep 22, 2018, 11:36 IST

കണ്ണൂര്‍: (www.kasargodvartha.com 22.09.2018) പണമിടപാടില്‍ വിശ്വാസവഞ്ചന നടത്തി കുടുങ്ങുമെന്നായതോടെ ഒളിവില്‍പോയ പ്രതിയെ 13 വര്‍ഷത്തിനു ശേഷം പോലീസ് അറസ്റ്റു ചെയ്തു. മൈസൂരില്‍ വെച്ചാണ് പ്രതിയെ പോലീസ് പിടികൂടിയത്. തൊടീക്കളത്തെ താറ്റിപ്രവന്‍ രവീന്ദ്രനാണ് (57) അറസ്റ്റിലായത്. കണ്ണവം എസ് ഐ കെ വി ഗണേശന്റെ നേതൃത്വത്തിലുള്ള പോലീസ് സംഘമാണ് രവീന്ദ്രനെ അറസ്റ്റു ചെയ്തത്.

വട്ടോളി സ്വദേശി കാരായി ഗംഗാധരന്റെ പരാതിയില്‍ 2005 ലാണ് രവീന്ദ്രനെതിരെ പോലീസ് കേസെടുത്തത്. ഇതോടെ മൈസൂരിനടുത്ത ഉദയഗിരിയില്‍ ഒളിവില്‍ പോവുകയായിരുന്നു.