നടന്നു പോവുകയായിരുന്ന 14 കാരിയെ കയറിപ്പിടിച്ചു; ഒരു സംഘം യുവാവിനെ രാത്രി വീട്ടില്‍ നിന്നും വിളിച്ചിറക്കി അടിച്ചു പരിക്കേല്‍പിച്ചു

പയ്യന്നൂര്‍: (www.kasargodvartha.com 03.07.2018) നടന്നു പോവുകയായിരുന്ന 14 കാരിയെ കയറിപ്പിടിച്ച യുവാവിനെ ഒരു സംഘം രാത്രി വീട്ടില്‍ നിന്നും വിളിച്ചിറക്കി അടിച്ചു പരിക്കേല്‍പിച്ചു. സംഭവത്തില്‍ യുവാവിനെതിരെ പോക്‌സോ ആക്ട് പ്രകാരവും നാലു പേര്‍ക്കെതിരെ യുവാവിനെ അടിച്ചതിനും പോലീസ് കേസെടുത്തു. രാമന്തളി എട്ടിക്കുളത്തെ ഹാരിസിനെ (28)തിരെയാണ് പോക്‌സോ നിയമപ്രകാരം പോലീസ് കേസെടുത്തത്.

ഹാരിസിനെ അടിച്ചു പരിക്കേല്‍പിച്ചതിന് അസീസ്, റാഫി, സിറാജ്, പവാസ് എന്നിവര്‍ക്കെതിരെയുമാണ് കേസെടുത്തത്. ശനിയാഴ്ചയാണ് സംഭവം. വീട്ടിലേയ്ക്കു നടന്നു പോവുകയായിരുന്ന പെണ്‍കുട്ടിയെ ഹാരിസ് കയറിപ്പിടിക്കുകയായിരുന്നുവത്രേ. പെണ്‍കുട്ടി വീട്ടിലെത്തി വിവരം പറയുകയായിരുന്നു. തുടര്‍ന്നാണ് പോലീസില്‍ പരാതി നല്‍കിയത്. ഇതിനു പിന്നാലെ ഹാരിസിനെ സംഘം വീട്ടില്‍ നിന്നും വിളിച്ചിറക്കി അടിച്ചുപരിക്കേല്‍പിക്കുകയായിരുന്നു.