ആര്‍എസ്എസ് കാര്യാലയത്തില്‍ നിന്നും ബോംബ് കണ്ടെടുത്തു

By Web Desk SNNov 9, 2017, 10:12 IST

കണ്ണൂര്‍:(www.kasargodvartha.com 09/11/2017) ആര്‍എസ്എസ് കാര്യാലയത്തില്‍ നിന്നും ബോംബുകള്‍ കണ്ടെടുത്തു. ബോംബ് സ്‌ക്വാഡും കൂത്തുപറമ്പ് എസ് ഐ കെ.വി. നിഷിത്തിന്റെ നേതൃത്വത്തിലുള്ള പോലീസ് സംഘവും നടത്തിയ തിരച്ചിലിലാണ് രണ്ട് നാടന്‍ ബോംബുകള്‍ കണ്ടെടുത്തത്. കഴിഞ്ഞ ദിവസം രാത്രിയാണ് സംഭവം.

സിപിഎം അക്രമം നടന്ന ആര്‍എസ്എസ് കാര്യാലയം പരിശോധിക്കാന്‍ വിവരമറിഞ്ഞെത്തിയതായിരുന്നു പോലീസ് സംഘവും ബോംബ് സ്‌ക്വാഡും. ഇതിനിടെയാണ് ടെറസില്‍ നിന്നും ബോംബുകള്‍ കണ്ടെടുത്തത്. കാര്യാലയത്തിനു നേരെയുണ്ടായ ആക്രമണത്തില്‍ നാലു പേര്‍ക്കെതിരെ പോലീസ് കേസെടുത്തിട്ടുണ്ട്.