റീപോളിംഗിനു പിന്നാലെ കോണ്‍ഗ്രസ് ബൂത്ത് ഏജന്റിന്റെ വീടിനു നേരെ ബോംബേറ്

By Web Desk - MainMay 20, 2019, 11:23 IST

കണ്ണൂര്‍: (www.kasargodvartha.com 20.05.2019) റീപോളിംഗിനു പിന്നാലെ പിലാത്തറയില്‍ കോണ്‍ഗ്രസ് ബൂത്ത് ഏജന്റിന്റെ വീടിനു നേരെ ബോംബേറ്. ഞായറാഴ്ച അര്‍ദ്ധരാത്രി 12.30 മണിയോടെയാണ് സംഭവം. പിലാത്തറ പുത്തൂരിലെ വി ടി വി പത്മനാഭന്റെ വീടിനു നേരെയാണ് ബോംബേറുണ്ടായത്. വീടിന്റെ ചുമരിന് കേടുപാട് സംഭവിക്കുകയും ജനല്‍ ഗ്ലാസുകള്‍ തകരുകയും ചെയ്തു.

ബൈക്കിലെത്തിയ സംഘമാണ് ബോംബേറ് നടത്തിയത്. സംഭവത്തിന് പിന്നില്‍ സി പി എമ്മാണെന്ന് കോണ്‍ഗ്രസ് ആരോപിച്ചു.