വീട്ടില്‍ അതിക്രമിച്ച് കയറി യുവാവിനെ മര്‍ദിച്ച കേസില്‍ പ്രതി ഗള്‍ഫിലേക്ക് കടക്കാനുള്ള ശ്രമത്തിനിടെ വിമാനത്താവളത്തില്‍ പിടിയിൽ

By Web Desk - MainMay 18, 2019, 08:52 IST

നീലേശ്വരം: (www.kasargodvartha.com 18.05.2019) തൈക്കടപ്പുറത്ത് വീട്ടില്‍ അതിക്രമിച്ച് കയറി യുവാവിനെ മര്‍ദിച്ച കേസില്‍ പോലീസ് ലുക്കൗട്ട് നോട്ടീസ് പുറപ്പെടുവിച്ച പ്രതിയെ ഗള്‍ഫിലേക്ക് കടക്കാന്‍ ശ്രമിക്കവെ കണ്ണൂര്‍ വിമാനത്താവളത്തില്‍ നിന്നും പോലീസ് പിടികൂടി. തൈക്കടപ്പുറത്തെ മുഹമ്മദ് ജുനൈറിനെയാണ് പോലീസ് പിടികൂടിയത്.

2017 ഓഗസ്റ്റില്‍ തൈക്കടപ്പുറത്തെ നിയാസിനെ വീട്ടില്‍ കയറി അക്രമിച്ച കേസിലെ പ്രതിയാണ് ജുനൈര്‍. സംഭവത്തില്‍ പോലീസ് സ്റ്റേഷനില്‍ ഹാജരാകാതെ മുങ്ങി നടക്കുകയായിരുന്ന ഇയാള്‍ ഗള്‍ഫിലേക്ക് കടക്കാനുള്ള ശ്രമത്തിനിടയിലാണ് പോലീസ് പിടികൂടിയത്.