റോഡ് മുറിച്ചുകടക്കുന്നതിനിടെ ജീപ്പിടിച്ച് 8 വയസുകാരന്‍ മരിച്ചു

By Web Desk - MainSep 29, 2019, 13:55 IST

കണ്ണൂര്‍: (www.kasargodvartha.com 29.09.2019) റോഡ് മുറിച്ചുകടക്കുന്നതിനിടെ ജീപ്പിടിച്ച് എട്ടുവയസുകാരന്‍ മരിച്ചു. തയ്യില്‍ കുറുവാ റോഡിലെ സഹീറിന്റെ മകന്‍ അയാനാണ് മരിച്ചത്. വീടിന് സമീപത്തെ കടയിലേക്ക് സാധനങ്ങള്‍ വാങ്ങാന്‍ പോവുകയായിരുന്നു കുട്ടി. കുറുവ റോഡില്‍ വെച്ച് റോഡ് മുറിച്ചു കടക്കുന്നതിനിടെ അയാനെ കെ എല്‍ 58 എം 4091 ജീപ്പിടിക്കുകയായിരുന്നു.

ഉടന്‍ ജില്ലാശുപ്രതിയിലേക്കും പരിക്ക് ഗുരുതരമായതിനാല്‍ മിംസ് ആശുപത്രിയിലേക്കും മാറ്റിയെങ്കിലും ജീവന്‍ രക്ഷിക്കാനായില്ല. മാതാവ്: ഷെറിന്‍. സഹോദരങ്ങള്‍: സഫ്രീസ്, റുബൈദ്, മിദാന്‍.