ജില്ലാ ആശുപത്രി കിടക്കയില്‍ വിശ്വനാഥന് ഇത് അസുലഭ ഓണം

ജില്ലാ ആശുപത്രിയില്‍ സ്റ്റാഫ് സൊസൈറ്റിയുടെ നേതൃത്വത്തില്‍ നടന്ന ഓണാഘോഷ പരിപാടിയില്‍ സൈക്രാടിക് വാര്‍ഡില്‍ ചികിത്സയിലുള്ള വിശ്വനാഥിനോടൊന്നിച്ച് സ്റ്റാഫ് അംഗങ്ങള്‍.

കാഞ്ഞങ്ങാട്: കാഞ്ഞങ്ങാട് ജില്ലാ ആശുപത്രിയിലെ സൈകാട്രിക് വാര്‍ഡില്‍ രോഗിയായി ചികിത്സയിലുള്ള തൃശ്ശൂര്‍ കോട്ടപ്പുറം സ്വദേശി വിശ്വനാഥന് ഇത് പത്താം ഓണം. സ്വന്തമെന്നോ ബന്ധുക്കളെന്നോ പറയാന്‍ അരോരുമില്ലാത്ത വിശ്വനാഥന്‍ കഴിഞ്ഞ ഒരു ദശകത്തോളമായി ജില്ലാ ആശുപത്രിലെ  അ­ന്തേ­വാ­സി­യാണ്.

രോഗം മൂര്‍ച്ചിക്കുന്ന ഘട്ടത്തിലെല്ലാം തന്നെ വിശ്വനാഥന്‍ സൈകാട്രിക് വാര്‍ഡില്‍ തന്നെയാണ് ചികിത്സക്കായി എത്തുന്നത്. ആശുപത്രി സ്റ്റാഫ് സൊസൈറ്റിയുടെ നേതൃത്വത്തില്‍ നടന്നുവരുന്ന ഓണാഘോഷ പരിപാടികളിലും വിശ്വനാഥന്‍ സജീവമായി പങ്കെടുക്കാറുണ്ട്. ഇത്തവണയും വിശ്വനാഥന് ഓണം ജില്ലാ  ആശുപത്രി  സൈകാട്രിക് വാര്‍ഡിലാണ്. അത്തപൂക്കള ഒരുക്കലിലും വിശ്വനാഥന്‍ സജീവമായി പ­ങ്കെ­ടുത്തു.