മഡിയനില് വീടിന് നേരെ അക്രമം
May 26, 2012, 16:39 IST
![മഡിയനില് വീടിന് നേരെ അക്രമം](https://www.kasargodvartha.com/static/c1e/client/114096/downloaded/14bac234ae1d65dcd7a8c1f3757cda61.jpg)
അജാനൂര്: കഴിഞ്ഞ കലാപത്തിന്റെ നടുക്കത്തില് നിന്നും സമാധാനത്തിലേക്ക് തിരിച്ചുവന്ന മാണിക്കോത്ത് മഡിയനില് വീണ്ടും സാമൂഹ്യ ദ്രോഹികളുടെ അതിക്രമം. രണ്ട് ദിവസം മുമ്പ് ഗൃഹപ്രവേശനം നടത്തിയ മാട്ടുമ്മല് മജീദിന്റെ വീടിനും കാറിനും നേരെ അക്രമണം നടന്നു. വീട്ട് മതിലിന്റെ ഗേയിറ്റില് സ്ഥാപിച്ച വിളക്കുകള് തകര്ത്തു. തൊട്ടടുത്ത യു .വി. മുഹമ്മദിന്റെ പറമ്പില് കയറി വാഴകളും കൃഷികളും നശിപ്പിച്ചു. തുടരേ തുടരേ നടക്കുന്ന മനുഷ്യത്വ രഹിതമായ അക്രമ സംഭവങ്ങള് പ്രദേശത്തെ ജനങ്ങളെ വല്ലാതെ ഉത്കണ്ഠപ്പെടുത്തുന്നുണ്ട്. മാണിക്കോത്ത് മഡിയനില് ബോധപൂര്വ്വം കുഴപ്പങ്ങളുണ്ടാക്കുന്നവര്ക്കെതിരെ ശക്തമായ നടപടി സ്വീകരിക്കണമെന്ന് അജാനൂര് പഞ്ചായത്ത് നാലാം വാര്ഡ് മുസ്ളിം ലീഗ് കമ്മിറ്റി ബന്ധപ്പെട്ടവരോട് ആവശ്യപ്പെട്ടു.
Keywords: House attacked, Madiyan, Kanhangad, Kasaragod