എന്‍ഡോസള്‍ഫാന്‍ ദുരിത ബാധിതര്‍ നിയമസഭക്ക് മുമ്പില്‍ വീണ്ടും പട്ടിണി സമരത്തിനൊരുങ്ങുന്നു
Mar 2, 2015, 16:24 IST
കാസര്‍കോട്: (www.kasargodvartha.com 02/03/2015) എന്‍ഡോസള്‍ഫാന്‍ ദുരിത ബാധിതര്‍ക്ക് സര്‍ക്കാര്‍ നല്‍കിയ ഉറപ്പുകള്‍ പാലിക്കണമെന്നാവശ്യപ്പെട്ട് എന്‍ഡോസള്‍ഫാന്‍ പീഡിത മുന്നണിയുടെ നേതൃത്വത്തില്‍ കേരള നിയമസഭക്ക് മുമ്പില്‍ അമ്മമാരും കുട്ടികളും പട്ടിണി സമരം നടത്താന്‍ തീരുമാനിച്ചു. സര്‍ക്കാര്‍ തീരുമാനങ്ങള്‍ നിരന്തരമായി ലംഘിച്ചു കൊണ്ടിരിക്കുന്ന സാഹചര്യത്തില്‍ നിയമസഭ ഇടപെടണമെന്നാവശ്യപ്പെട്ടു കൊണ്ടാണ് വീണ്ടും സമരത്തിനൊരുങ്ങുന്നത്.
അതിര്‍ത്തികള്‍ നോക്കാതെ അര്‍ഹരായ മുഴുവന്‍ ദുരിതബാധിതര്‍ക്കും ദേശീയ മനുഷ്യാവകാശ കമ്മീഷന്‍ ശുപാര്‍ശ ചെയ്ത സാമ്പത്തിക സഹായങ്ങള്‍ നല്‍കുമെന്ന് സര്‍ക്കാര്‍ പലതവണ ഉത്തരവുകള്‍ പുറപ്പെടുവിച്ചെങ്കിലും അത് കടലാസില്‍ മാത്രം ഒതുങ്ങുന്നു. കടങ്ങള്‍ എഴുതിത്തള്ളുമെന്ന പ്രഖ്യാപനവും നടപടിയാകാതെ തുടരുന്നു. പ്രത്യേക മെഡിക്കല്‍ ക്യാമ്പുകള്‍ രോഗികളെ പറ്റിക്കാനുള്ള ഒരു ഏര്‍പ്പാട് മാത്രമായി ചുരുങ്ങുന്നുവെന്നും യോഗം കുറ്റപ്പെടുത്തി. പട്ടിണി സമരത്തിന്റെ മുന്നോടിയായി കാസര്‍കോട് വെച്ച് ജനകീയ കൂട്ടായ്മ നടത്താനും തീരുമാനമായി.
യോഗത്തില്‍ അബ്ദുല്‍ ഖാദര്‍ ചട്ടഞ്ചാല്‍ അധ്യക്ഷത വഹിച്ചു. അഡ്വ. ടി.വി രാജേന്ദ്രന്‍, മുനീസ അമ്പലത്തറ, ടി. ശോഭന, വി. രോഹിണി, രാഘവന്‍ ചന്തേര, കെ.ടി ബിന്ദു മോള്‍, പി.കെ ഗോവിന്ദന്‍, മിസിരിയ ചെങ്കള, പ്രേമചന്ദ്രന്‍ ചോമ്പാല, നസീമ എം.കെ, അഖിലകുമാരി ടി, പി. കൃഷ്ണന്‍, സജിത കെ, ചന്ദ്രമതി കെ, പി.വി ദേവി, ശ്രീദേവി വി, ശശിധരന്‍ പി, കുഞ്ഞിക്കണ്ണന്‍ പി എന്നിവര്‍ സംസാരിച്ചു. അമ്പലത്തറ കുഞ്ഞികൃഷ്ണന്‍ സ്വാഗതവും സി.വി. നളിനി നന്ദിയും പറഞ്ഞു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords : Endosulfan, Kasaragod, Endosulfan-victim, Strike, Meeting, Kanhangad.
Advertisement:
അതിര്‍ത്തികള്‍ നോക്കാതെ അര്‍ഹരായ മുഴുവന്‍ ദുരിതബാധിതര്‍ക്കും ദേശീയ മനുഷ്യാവകാശ കമ്മീഷന്‍ ശുപാര്‍ശ ചെയ്ത സാമ്പത്തിക സഹായങ്ങള്‍ നല്‍കുമെന്ന് സര്‍ക്കാര്‍ പലതവണ ഉത്തരവുകള്‍ പുറപ്പെടുവിച്ചെങ്കിലും അത് കടലാസില്‍ മാത്രം ഒതുങ്ങുന്നു. കടങ്ങള്‍ എഴുതിത്തള്ളുമെന്ന പ്രഖ്യാപനവും നടപടിയാകാതെ തുടരുന്നു. പ്രത്യേക മെഡിക്കല്‍ ക്യാമ്പുകള്‍ രോഗികളെ പറ്റിക്കാനുള്ള ഒരു ഏര്‍പ്പാട് മാത്രമായി ചുരുങ്ങുന്നുവെന്നും യോഗം കുറ്റപ്പെടുത്തി. പട്ടിണി സമരത്തിന്റെ മുന്നോടിയായി കാസര്‍കോട് വെച്ച് ജനകീയ കൂട്ടായ്മ നടത്താനും തീരുമാനമായി.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords : Endosulfan, Kasaragod, Endosulfan-victim, Strike, Meeting, Kanhangad.
Advertisement:
Tags
Share this story
