സ്വകാര്യ ബസ് മതിലിലിടിച്ച് 10 പേര്‍ക്ക് പരിക്ക്

File photo

കാഞ്ഞങ്ങാട്: നിയന്ത്രണം വിട്ട സ്വകാര്യ ബസ് വീടിനോട് ചേര്‍ന്നുള്ള മതിലിലിടിച്ച് നിന്നു. വെള്ളിയാഴ്ച രാവിലെ കിഴക്കുംക്കരയിലാണ് അപകടം.

ചിറ്റാരിക്കാലില്‍ നിന്ന് കാഞ്ഞങ്ങാട്ടേക്ക് വരികയായിരുന്ന കെ.എല്‍. 60 ബി-9714 നമ്പര്‍ ഈസ്റ്റേണ്‍ ബസാണ് കിഴക്കുംകര ചിത്ര ഡിന്നര്‍സെറ്റിന് സമീപത്തെ കുമാരന്റെ വീടിനോട് ചേര്‍ന്നുള്ള മതിലില്‍ നിയന്ത്രണം വിട്ട് ഇടിച്ചത്.

മുന്നില്‍ ഒരു ലോറി നിര്‍ത്തിയിട്ടതിനെത്തുടര്‍ന്ന് ഡ്രൈവര്‍ ബ്രേക്ക് ചവിട്ടിയതോടെ ബസ് നിയന്ത്രണം വിട്ട് റോഡരികിലെ വീടിനോട് ചേര്‍ന്നുള്ള മതിലിലേക്ക് പാഞ്ഞ് കയറുകയായിരുന്നു. അപകടത്തില്‍ ബസിലുണ്ടായിരുന്ന പത്തോളം യാത്രക്കാര്‍ക്ക് പരിക്കേറ്റു. ഇവര്‍ ആശുപത്രിയില്‍ പ്രാഥമിക ചികിത്സ തേടി.