കാന്‍ഫെഡ് വിവിധ എന്‍ഡോവ്‌മെന്റുകള്‍ പ്രഖ്യാപിച്ചു

കാഞ്ഞങ്ങാട്: അധാര്‍മികതയ്‌ക്കെതിരെ യുവാക്കളെ പ്രതികരണശേഷിയുളളവരാക്കി മാറ്റുകയെന്ന ലക്ഷ്യം കൈവരിക്കാന്‍ കോളജ്-ഹൈസ്‌കൂള്‍ വിദ്യാര്‍ത്ഥികള്‍ക്കും, തുല്യതാ പരീക്ഷയിലൂടെ പ്രതിബന്ധങ്ങളെ തളളിമാറ്റി ഉയര്‍ന്ന മാര്‍ക്ക് നേടുന്ന പഠിതാവിനും, നിശബ്ദസേവകരായ പ്രേരക്മാരില്‍ മികച്ച സേവനം കാഴ്ചവെക്കുന്ന വ്യക്തിക്കും ലോകസാക്ഷരതാ ദിനത്തോടനുബന്ധിച്ച് സംസ്ഥാനതലത്തില്‍ വര്‍ഷം തോറും വിവിധ എന്‍ഡോവ്‌മെന്റുകള്‍ നല്‍കാന്‍ കാന്‍ഫെഡ് സോഷ്യല്‍ മൂവ്‌മെന്റ് പ്രവര്‍ത്തക കണ്‍വെന്‍ഷന്‍ തീരുമാനിച്ചു.

യഥാക്രമം- താഴെ പറയുന്ന അവാര്‍ഡുകളാണ് നല്‍കുന്നത്. കരിവെളളൂര്‍ കെ. ഗോവിന്ദന്‍ സ്മാരക കാഷ് അവാര്‍ഡ്, സുശീല മാധവന്‍ മാലകാട് കാഷ് അവാര്‍ഡ്, കാര്‍ത്ത്യായനി അമ്മ സ്മാരക കാഷ് അവാര്‍ഡ്, ടി.എം.കെ വിഷ്ണു നമ്പീശന്‍ സ്മാരക കാഷ് അവാര്‍ഡ്.



കാന്‍ഫെഡ് സംഘടിപ്പിച്ച ഇഫ്താര്‍ സംഗമം ചെയര്‍മാന്‍ കൂക്കാനം റഹ്മാന്‍ ഉദ്ഘാടനം ചെയ്തു . ടി.എന്‍.എ. നായര്‍, സി. സുകുമാരന്‍, പി.കെ കുമാരന്‍ നായര്‍, കരിവെളളൂര്‍ വിജയന്‍, കെ.പി. ഭരതന്‍, എ. നാരായണന്‍ മാസ്റ്റര്‍, കെ. കുഞ്ഞിരാമന്‍ മാസ്റ്റര എന്നിവര്‍ പ്രസംഗിച്ചു. ഷാഫി ചൂരിപ്പാട് സ്വാഗതം പറഞ്ഞു.