city-gold-ad-for-blogger
Aster MIMS 10/10/2023

കമ്മാടം ഭഗവതി ക്ഷേത്രത്തില്‍ വന്‍ കവര്‍ച്ച: പഞ്ചലോഹ വിഗ്രഹവും ഓടു വിഗ്രഹവും മോഷണം പോയി

നഷ്ടമായതു രണ്ടു തവണ കവര്‍ച്ച ചെയ്യപ്പെട്ട പഞ്ചലോഹ വിഗ്രഹം. കവര്‍ച്ച ഓടിളക്കി പൂട്ടുപൊളിച്ച്

കാഞ്ഞങ്ങാട്: (www.kasargodvartha.com 27/05/2015) ഭീമനടി വെസ്റ്റ് എളേരി കമ്മാടം ഭഗവതി ക്ഷേത്രത്തില്‍ വന്‍ കവര്‍ച്ച. ഓടിളക്കി ക്ഷേത്രവാതില്‍ തകര്‍ത്തു അകത്തു കടന്ന മോഷ്ടാക്കള്‍ പഞ്ചലോഹ വിഗ്രഹം കവര്‍ച്ച ചെയ്തു. മുമ്പു രണ്ടു തവണ കവര്‍ച്ച ചെയ്യപ്പെട്ട 400 വര്‍ഷത്തിലേറെ പഴക്കമുള്ള പഞ്ചലോഹ വിഗ്രഹമാണു വീണ്ടും മോഷണം പോയത്.

വര്‍ഷങ്ങള്‍ക്കു മുമ്പു ഇതേ പഞ്ചലോഹ വിഗ്രഹം മോഷണം പോയതിനെതുടര്‍ന്നു ക്ഷേത്രത്തില്‍ ഓടിന്റെ വിഗ്രഹം നിര്‍മിച്ചിരുന്നു. തുടര്‍ന്നുള്ള അന്വേഷണത്തില്‍ മോഷണംപോയ പഞ്ചലോഹ വിഗ്രഹം തിരുമേനിയിലെ കാവില്‍ ഉപേക്ഷിക്കപ്പെട്ട നിലയില്‍ കണ്ടെത്തുകയായിരുന്നു. ഇതാണു വീണ്ടും മോഷണംപോയത്.

ദേവസ്വം ബോര്‍ഡിനു കീഴിലുള്ള ക്ഷേതമായതിനാല്‍ സൂക്ഷിപ്പുകാരന്‍ നാരായണന്‍ രാവിലെ എത്തിയപ്പോഴാണു മോഷണവിവരം അറിയുന്നത്. ക്ഷേത്ര കിണറ്റിലുണ്ടായിരുന്ന കയര്‍ ഉപയോഗിച്ചു ക്ഷേത്രത്തിന്റെ ഓടിളക്കിയാണു മോഷ്ടാക്കള്‍ അകത്തു കടന്നത്. ബുധനാഴ്ച പുലര്‍ച്ചയാണ് മോഷണം നടന്നതെന്നാണു പ്രാഥമിക നിഗമനം.

വെള്ളരിക്കുണ്ട് സിഐ ടി.പി.സുമേഷ്, എസ്‌ഐ മധുമദനന്‍ എന്നിവര്‍ സ്ഥലത്തെത്തി പരിശോധന നടത്തി. ഡോഗ് സ്‌ക്വാഡും പരിശോധന നടത്തി. കവര്‍ച്ചാവിവരമറിഞ്ഞു നൂറുകണക്കിനു നാട്ടുകാര്‍ സ്ഥലത്തു തടിച്ചുകൂടി.
കമ്മാടം ഭഗവതി ക്ഷേത്രത്തില്‍ വന്‍ കവര്‍ച്ച: പഞ്ചലോഹ വിഗ്രഹവും ഓടു വിഗ്രഹവും മോഷണം പോയി
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Tags

Share this story

google news
Aster mims 04/11/2022

DONATE
Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL