Peel | ഈ 4 പച്ചക്കറികളുടെ തൊലികളിലും നിറയെ പോഷകങ്ങളുണ്ട്; നമ്മൾ വെറുതെ കളയുന്നു!

ന്യൂഡൽഹി: പച്ചക്കറികൾ  ശരീരത്തെ ആരോഗ്യകരവും ഉള്ളിൽ നിന്ന് ശക്തവുമാക്കുക മാത്രമല്ല, പേശികൾക്ക് ബലം നൽകുകയും ചെയ്യുന്നു. പ്രോട്ടീൻ, നാരുകൾ, വിറ്റാമിനുകൾ, ധാതുക്കൾ എന്നിങ്ങനെ ആരോഗ്യത്തിന് വളരെ പ്രധാനപ്പെട്ടതായി കണക്കാക്കപ്പെടുന്ന പോഷകങ്ങൾ പച്ചക്കറികളിൽ കാണപ്പെടുന്നു. 

പച്ചക്കറികൾ പാകം ചെയ്യുന്നതിനുമുമ്പ് തൊലി കളയുന്നത് നല്ലതാണ്. എന്നാൽ, വിദഗ്ധരുടെ അഭിപ്രായത്തിൽ, എല്ലാ പച്ചക്കറികളിലും ഇത് ചെയ്യുന്നത് ശരിയല്ല. ഇത്തരം പച്ചക്കറികളുടെ തൊലി പോഷകങ്ങളാൽ സമ്പന്നമാണ്.  അതിനാൽ തൊലി കളയാതെ കഴിക്കുന്നതാണ് ഉത്തമം. ആരോഗ്യ വിദഗ്ധരുടെ അഭിപ്രായത്തിൽ, തൊലിയോടൊപ്പം കഴിക്കേണ്ട ചില പച്ചക്കറികളെക്കുറിച്ച് അറിയാം.

ഉരുളക്കിഴങ്ങ്

സാധാരണയായി, ഉരുളക്കിഴങ്ങ് തിളപ്പിക്കുകയോ പാകം ചെയ്യുകയോ ചെയ്യുന്നതിനു മുമ്പ് തൊലികളയുന്നു. തൊലി കളഞ്ഞതിന് ശേഷമാണ് മിക്കവരും ഉരുളക്കിഴങ്ങ് ഉപയോഗിക്കുന്നത്. പക്ഷേ, ഉരുളക്കിഴങ്ങിൻ്റെ തൊലി നീക്കം ചെയ്യുന്നത് ഈ പച്ചക്കറിയുടെ പോഷകങ്ങൾ കുറയ്ക്കുമെന്ന് നിങ്ങൾക്കറിയാമോ. അതെ, ഇരുമ്പ്, പൊട്ടാസ്യം, വിറ്റാമിൻ സി എന്നിവ കൂടാതെ വിറ്റാമിൻ എയും ഉരുളക്കിഴങ്ങ് തൊലികളിൽ കാണപ്പെടുന്നു. അതിനാൽ,  തൊലികളോടൊപ്പം ഉരുളക്കിഴങ്ങ് ഉപയോഗിക്കുന്നത് നല്ലതാണ്.

കക്കിരി

കക്കിരി കഴിക്കുന്നതിനുമുമ്പ് ചിലർ അതിൻ്റെ തൊലികൾ നീക്കം ചെയ്യുന്നു. എന്നാൽ, അകത്തെ പോലെ, ആൻ്റിഓക്‌സിഡൻ്റുകൾ അവയുടെ തൊലികളിലും കാണപ്പെടുന്നു. 

മധുരക്കിഴങ്ങ്

വിറ്റാമിൻ ബി, വിറ്റാമിൻ സി എന്നിവ കൂടാതെ മധുരക്കിഴങ്ങിൽ നാരുകളും അടങ്ങിയിട്ടുണ്ട്. മധുരക്കിഴങ്ങിൻ്റെ തൊലികളിലും ഈ മൂലകങ്ങൾ അടങ്ങിയിട്ടുണ്ട്. അതിനാൽ, മധുരക്കിഴങ്ങ് തൊലികളോടൊപ്പം കഴിക്കുന്നത് നിങ്ങളുടെ കാഴ്ചശക്തി മെച്ചപ്പെടുത്തുന്നു. കൂടാതെ രോഗപ്രതിരോധ ശക്തിയും ശരീരത്തിൻ്റെ ശക്തിയും വർദ്ധിപ്പിക്കുന്നു.

റാഡിഷ്

ശരീരത്തിന് കരുത്ത് നൽകുന്ന പല തരത്തിലുള്ള പോഷകങ്ങളും റാഡിഷ് തൊലിയിൽ അടങ്ങിയിട്ടുണ്ട്. ഡയറ്ററി ഫൈബറും പൊട്ടാസ്യവും  സിങ്ക്, വിറ്റാമിൻ സി, കാൽസ്യം എന്നിവയും ഇതിൽ കാണപ്പെടുന്നു