9 മണിക്കൂര്‍ കൊണ്ട് ടര്‍ഫ് ഒരുക്കി ലോക റെക്കോര്‍ഡ് നേടി വക്രയിലെ ഫിഫ ലോക കപ്പ് ഫുട്ബോള്‍ സ്റ്റേഡിയം

ദോഹ: (www.kasargodvartha.com 24.03.2019) ഒമ്പത് മണിക്കൂര്‍ കൊണ്ട് ടര്‍ഫ് ഒരുക്കി ലോക റെക്കോര്‍ഡ് നേടിയിരിക്കുകയാണ് വക്രയിലെ ഫിഫ ലോക കപ്പ് ഫുട്ബോള്‍ സ്റ്റേഡിയം. വെറും ഒമ്പത് മണിക്കൂറും 15 മിനുട്ടും എടുത്താണ് മൈതാനം ഒരുക്കിയത്. സുപ്രീം കമ്മിറ്റി ഫോര്‍ ഡെലിവറി ആന്‍ഡ് ലഗസി (എസ് സി)യാണ് ഇക്കാര്യം വ്യക്തമാക്കിയത്. 2022 ല്‍ നടക്കുന്ന ഫിഫ ലോക കപ്പ് ഫുട്‌ബോള്‍ മത്സരങ്ങള്‍ക്കായി നിര്‍മിക്കുന്ന എട്ട് സ്‌റ്റേഡിയങ്ങളില്‍ ഒന്നാണ് വക്രയിലെ സ്‌റ്റേഡിയം.

ഫിഫ മത്സരങ്ങള്‍ക്കായി പൂര്‍ണമായും പുതുക്കി നിര്‍മിച്ച ഖലീഫ രാജ്യാന്തര സ്റ്റേഡിയത്തില്‍ 13.30 മണിക്കൂര്‍ കൊണ്ടാണ് ടര്‍ഫ് ഒരുക്കിയത്. എന്നാല്‍ ഇതിലും വേഗത്തില്‍ നിര്‍മിച്ചാണ് അല്‍ വക്ര സ്റ്റേഡിയം ലോക റെക്കോര്‍ഡ് നേടിയത്.