Bail | മുഹമ്മദ് ഫാസിൽ വധക്കേസ് പ്രതികൾക്ക് ഹൈകോടതി ജാമ്യം അനുവദിച്ചു

ലക്ഷം രൂപ വീതമുള്ള ബോണ്ട് മംഗ്ളുറു കോടതിയിൽ കെട്ടിവെക്കണം. എല്ലാ ഞായറാഴ്ചകളിലും സൂറത്ത്കൽ പൊലീസ് സ്റ്റേഷനിൽ ഹാജരായി ഒപ്പിടണം. മംഗ്ളുറു നഗരം വിട്ട് പുറത്തുപോവരുത്. അക്രമപ്രവർത്തനങ്ങളിൽ ഏർപ്പെടരുത്, ഇതൊക്കയാണ് ജാമ്യ വ്യവസ്ഥകൾ.

2022 ജൂലൈ 26ന് യുവമോർച്ച നേതാവ് പ്രവീൺ നെട്ടാറു കൊല്ലപ്പെട്ടതിന് പിന്നാലെ 28നാണ് മംഗ്ളുറു സൂറത്ത്കലിൽ വസ്ത്ര സ്ഥാപനത്തിന് മുന്നിൽ നിൽക്കുകയായിരുന്ന മുഹമ്മദ് ഫാസിലിനെ (23) അക്രമികൾ വെട്ടിക്കൊന്ന് കാറിൽ രക്ഷപ്പെട്ടത്. ബന്ധുവീട്ടിൽ താമസിച്ച് ജോലി ചെയ്ത് ജീവിക്കുകയായിരുന്ന കാസർകോട് സ്വദേശി ബി മസ്ഊദ് (19), പ്രവീൺ നെട്ടാറു (32), മുഹമ്മദ് ഫാസിൽ (23) എന്നിവർ ദിവസങ്ങളുടെ ഇടവേളകളിൽ കൊല്ലപ്പെട്ടത് ദക്ഷിണ കന്നഡ ജില്ലയിൽ കോളിളക്കം സൃഷ്ടിച്ചിരുന്നു.