Encroachment | പാതയോരം കയ്യേറുന്നു; പൊതുമരാമത്ത് റോഡുകളിലെ അനധികൃത നിര്‍മാണങ്ങള്‍ ഒഴിപ്പിക്കുമെന്ന് പൊതുമരാമത്ത് വകുപ്പ്

കാസര്‍കോട്: (KasargodVartha) ജില്ലയിലെ റോഡ്സ് സബ് ഡിവിഷന്‍ ഓഫീസിന് കീഴില്‍ വരുന്ന പൊതുമരാമത്ത് റോഡുകളില്‍ ദിനംപ്രതി നിരവധി കയ്യേറ്റങ്ങള്‍ രാത്രികാലങ്ങളിലും ഒഴിവ് ദിവസങ്ങളിലും നിര്‍മ്മിച്ചുവരുന്നതായി പരിശോധനയില്‍ കണ്ടെത്തി. പാതയോരം കയ്യേറുന്നതിനെതിരെ ഹൈക്കോടതിയുടെ ഉത്തരവ് നിലനില്‍ക്കുന്ന സാഹചര്യത്തിലും കയ്യേറ്റത്തിനെതിരെ ഗവണ്‍മെന്റിന്റെ ശക്തമായ മറ്റ് ഉത്തരവുകള്‍ ഉണ്ടായിരിക്കെ അത് പാലിക്കാതെ സ്ഥായിയായി നിര്‍മ്മിച്ച നിര്‍മ്മിതികള്‍ കച്ചവടക്കാരും, തട്ടുകടക്കാരും മറ്റ് സ്വകാര്യ വ്യക്തികളും എത്രയും പെട്ടെന്ന് പൊളിച്ചുമാറ്റി ഒഴിഞ്ഞു പോകണം.