Hotels Closed | കടയടപ്പ് സമരത്തിന് പിന്തുണ; ഫെബ്രുവരി 13ന് ഹോടെലുകൾ അടച്ചിടുമെന്ന് അസോസിയേഷൻ

കാസർകോട്: (KasargodVartha) വ്യാപാര മേഖല നേരിടുന്ന വിവിധ പ്രശ്നങ്ങൾ പരിഹരിക്കണമെന്ന് ആവശ്യപ്പെട്ടുകൊണ്ട് കേരള വ്യാപാരി വ്യവസായി ഏകോപന സമിതിയുടെ ആഭിമുഖ്യത്തിൽ ചൊവ്വാഴ്ച നടക്കുന്ന കടയടപ്പ് സമരത്തിന് ഐക്യദാർഢ്യം പ്രഖ്യാപിച്ചുകൊണ്ട് ജില്ലയിലെ മുഴുവൻ ഹോടെലുകളും അടച്ചിട്ട് പ്രതിഷേധസമരത്തിൽ പങ്കെടുക്കുമെന്ന് കേരള ഹോടെൽ ആൻഡ് റെസ്റ്റോറൻറ് അസോസിയേഷൻ ജില്ലാ പ്രസിഡണ്ട് കെ നാരായണ പൂജാരിയും ട്രഷറർ ബിജു ചുള്ളിക്കരയും അറിയിച്ചു. 

സം​സ്ഥാ​ന​ത്തെ വ്യാ​പാ​ര​മേ​ഖ​ല​യെ പ്ര​തി​സ​ന്ധി​യി​ലാ​ക്കു​ന്ന സ​ർ​കാ​ർ ന​യ​ങ്ങ​ൾ തി​രു​ത്ത​ണ​മെ​ന്നാ​വ​ശ്യ​പ്പെ​ട്ട് വ്യാപാ​രി വ്യ​വ​സാ​യി ഏ​കോ​പ​ന സ​മി​തിയുടെ നേതൃത്വത്തിൽ ജ​നു​വ​രി 29ന്​ ​കാ​സ​ർ​കോ​ട്ടു​നി​ന്ന് ആ​രം​ഭി​ച്ച വ്യാ​പാ​ര സം​ര​ക്ഷ​ണ യാ​ത്ര ഫെ​ബ്രു​വ​രി 13നാണ്​ ​തി​രു​വ​ന​ന്ത​പു​ര​ത്ത്​ ​സ​മാ​പി​ക്കുന്നത്. 13ന്​ ​സം​സ്ഥാ​ന വ്യാപകമാ​യി വ്യാ​പാ​ര​സ്ഥാ​പ​ന​ങ്ങ​ൾ അ​ട​ച്ചി​ടുമെന്ന് ഭാരവാഹികൾ അറിയിച്ചിട്ടുണ്ട്. വിവിധ വ്യാപാര സംഘടനകൾ സമരത്തിൽ പങ്കെടുക്കുന്നതിനാൽ മിക്ക സ്ഥാപനങ്ങളും അടഞ്ഞുകിടക്കുമെന്നാണ് കരുതുന്നത്.

Keywords: Traders, Malayalam News, Kasaragod, Kerala Vyapari Vyavasayi Ekopana Samithi, Kerala Hotel and Restaurant Association, President, Trasharar, Government, Thiruvananthapuram, Association said that hotels will be closed on February 13.