Accidental Death | ഓടോറിക്ഷയില്‍ സഞ്ചരിക്കവെ തല ഇലക്ട്രിക് പോസ്റ്റിലിടിച്ച് ഏഴ് വയസുകാരന് ദാരുണാന്ത്യം; അപകടം അമ്മയുടെ കണ്‍മുന്നില്‍വെച്ച്

തിരുവനന്തപുരം: (KasargodVartha) വെമ്പായത്ത് തല ഇലക്ട്രിക് പോസ്റ്റിലിടിച്ച് പിഞ്ചുബാലന് ദാരുണാന്ത്യം. വെഞ്ഞാറമൂട് വൈഷ്ണവത്തില്‍ ദീപു- ശാന്തി കൃഷ്ണ ദമ്പതികളുടെ ഏഴ് വയസുള്ള മകന്‍ വൈഷ്ണവാണ് മരിച്ചത്. അമ്മയുടെ കണ്‍മുന്നില്‍വെച്ചായിരുന്നു അപകടം. മാതാവിനൊപ്പം ഓടോറിക്ഷയില്‍ സഞ്ചരിക്കുകയായിരുന്നു കുട്ടി.

ഞായറാഴ്ച വൈകുന്നേരം മൂന്ന് മണിയോടെ വെമ്പായം മൂന്നാനക്കുഴിയില്‍ വച്ചായിരുന്നു അപകടം. കുട്ടിയും മാതാവും സഞ്ചരിച്ച ഓടോറിക്ഷ മറ്റൊരു വാഹനത്തിന് സൈഡ് കൊടുക്കുന്നതിനിടെയാണ് കുട്ടിയുടെ തല ശക്തിയായി ഇലക്ട്രിക് പോസ്റ്റിലിടിച്ചത്. കുട്ടിയെ ഉടന്‍ തന്നെ തിരുവനന്തപുരം മെഡികല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.